Hosea Fa‘atomuaga - Revised Samoan Catholic Bible

Fa‘atomuagaO le Perofeta o Hosea na galue fa‘atala‘i i le itū i matū o le mālō o Isaraelu, ‘ina ‘ua māe‘a atu ai le perofeta o Amosa. O se vaitaimi o le tele o vevesi a o le‘i fa‘atafunaina Samaria i le tausaga 721 T.L.M. Sa fa‘apitoa lana galuega i le tete‘e atu i le ifo i tupua o tagata ma lo latou lē fa‘amaoni i le Atua. Sa fa‘aataina e Hosea le lē fa‘amaoni o Isaraelu i le Atua ‘ua pei o lona lava to‘alua o Komeri na lē fa‘amaoni ‘iā te ia. I lenei foliga ‘ua fulitua ai Isaraelu mai le Atua ma ‘ua ‘avea ma mea e to‘asā ai le Atua. ‘Ae peita‘i e le‘i ‘avea le agaleaga o Isaraelu ma mafua‘aga na lafoa‘iina ai e le Atua ‘iā Isaraelu. ‘Ae na tumau pea le alofa o le Atua i lona nu‘u ma toe saga fa‘amausalī ai pea le la feagaiga. O ‘upu nei e fa‘ailoa mai ai pea le tumau o le alofa o le Ali‘i ‘iā Isaraelu: “Isaraelu e, ‘ou te tu‘uina atu ‘ea oe fa‘apefea? ‘Ua liua lo‘u loto i totonu ‘iā te a‘u; ‘ou te lē alu atu ma le ita.” (11.8)O le Fa‘asologa o Matā‘upu:O Hosea ma lona ‘āiga 1.1—3.5O le sāvali e fa‘asaga ‘iā Isaraelu 4.1—13.16O le salamō ma le folafolaga 14.1-9