Teuteronome 34 - Revised Samoan Catholic Bible

O le Oti o Mose

1‘Ua alu a‘e fo‘i Mose nai le ‘ele‘ele laugatasi o Moapi i le mauga o Nepo, i le tumutumu o Peseka, e fesagai ma Ieriko. ‘Ona fa‘asino atu lea e le ALI‘I ‘iā te ia le nu‘u uma lava o Kiliata e o‘o lava i Tanu.

5‘Ua oti fo‘i Mose le ‘au‘auna a le ALI‘I i lea mea i le nu‘u o Moapi, e pei ‘ona fetalai mai ai o le ALI‘I.

6‘Ua ia tanu fo‘i ‘iā te ia i le vanu i le nu‘u o Moapi, e fa‘afeagai ma Petepeora; ‘ae lē iloa e se tagata lona tu‘ugamau ‘ua o‘o mai lava i le aso nei.

9‘Ua tumu fo‘i Iosua le atali‘i o Nuno i le agaga e poto ai; auā na fa‘ae‘e atu e Mose ona lima i luga ‘iā te ia; na fa‘alogo fo‘i le fānauga a Isaraelu ‘iā te ia, ma ‘ua latou faia e pei ‘ona poloa‘i mai ai o le ALI‘I ‘iā Mose.

10‘Ua lē toe tu mai se perofeta ‘iā Isaraelu e pei o Mose, sa la fesagai ma le ALI‘I;