1 Korinito Fa‘atomuaga - Revised Samoan Catholic Bible

Fa‘atomuagaO le Tusi Muamua a Paulo i le Ekalesia i Korinito sa tusia ‘ina ‘ia taumafai e fofō ai nisi o fa‘afitauli sa aliali mai i totonu o le Ekalesia, ‘ae maise le matā‘upu tau i le fa‘atuatua ma le olaga fa‘a-Kerisiano. Sa talosaga nisi o lea lava Ekalesia ‘iā Paulo (1.11; 7.1) ‘ina ‘ia fesoasoani ane se‘i sā‘ili ni auala e talafeagai e fō‘ia ai nei fa‘alavelave ‘ua tutupu a‘e i tagata fa‘atuatua. O Korinito o le tasi lea ‘a‘ai tāua tele o Eleni, ‘ae o lo‘o ‘avea fo‘i ma itūmālō aloa‘ia o le mālō o Roma; ‘ona o le tulaga tau le fēfa‘ataua‘iga ma aganu‘u ‘ese‘ese, tapua‘iga ‘ese‘ese o lo‘o aofia ai.O le ‘a‘ano ma le ‘autū o manatu a Paulo ma lana taumafai, ‘ia fō‘ia le fa‘afitauli tau le amio lē pulea, o fe‘ese‘esea‘iga, o amioga matagā i totonu o le Ekalesia. O lo‘o taumafai malosi o ia e fa‘asa‘osa‘o le fa‘afitauli tau le fa‘aipoipoga, feusua‘iga ma aga ma le tu e talafeagai ma le ola fa‘a-Kerisiano moni. O nisi o ivi ‘autū o ona manatu e talanoa ai o ia i le mea alofa a le Agaga Pa‘ia ma le moni o le toetū a‘e nai ē ‘ua oti ‘ae maise ‘ia ola i le alofa.O le tele o manatu o tagata popoto i le Tusi Pa‘ia, o le tusi lenei a Paulo sa tusia i le vaitaimi pe tusa ma le tausaga 57, tausaga o le Ali‘i(Anno Domini)O le Fa‘asologa o Matā‘upu:O ‘upu fa‘afeiloa‘i 1.1-9O fa‘afitauli i totonu o le Ekalesia 1.10—4.21O le tāua ma le mamalu o le tino 5.1—6.20O le tete‘e atu o Paulo i le ta‘ufa‘atauva‘aina o le tausamiga a le Ali‘i 7.1—14.40O ana lauga e fa‘atatau i le toetū a‘e 15.1-58O ‘upu mulimuli 16.1-24