1 Tesalonia Fa‘atomuaga - Revised Samoan Catholic Bible

Fa‘atomuagaO Tesalonia (Thessalonikē i le gagana Eleni), o le ‘a‘ai e tu i Maketonia, o se tasi o itūmālō o le mālō o Roma. O le ‘a‘ai lenei sa fa‘atūina i le tausaga e 315 muamua ‘ae le‘i fānau mai Iesu, sa fa‘aigoa i le igoa o le tuafafine o Alesana le sili i lenā vaitau. A o le taimi o le ‘au ‘aposetolo sa tāua tele lenei ‘a‘ai i mea taufēfa‘ataua‘iga o ‘oloa. ‘Ona o le tulaga lelei o le ‘a‘ai e lata i le sami ma ava e faigofie i va‘a ma faigāmalaga ma le fē‘avea‘iga o ‘oloa. Sa to‘atele tagata Iutaia sa ola ai i lenei ‘a‘ai ma sa o‘o atu i ai le tala‘iga o le Tala Lelei e Paulo.(Galu 17.1-15). Sa to‘atele fo‘i tagata Iutaia sa latou tete‘e ma fa‘asagatau atu ‘iā Paulo ma lana galuega fa‘a‘aposetolo.O le Tusi Muamua a Paulo ‘iā Tesalonia, sa faia lava ‘ina ‘ia fa‘amalosi‘au ai i le ‘au Kerisiano o lo‘o i Tesalonia, o lo‘o latou tāofi mauina lo latou fa‘atuatua moni ‘iā Keriso. ‘Ae lē gata fo‘i i lea, o le fa‘afetai a Paulo ‘ona o lo latou talia lelei o le Tala Lelei sa folafolaina atu i ai. (1.2—3.13) Sa fa‘aaogā e Paulo lenei avanoa e ta‘u atu ai i tagata o Tesalonia e ao ‘ina ‘ia ‘onosa‘i i faigatā o le olaga ma ‘ia fa‘amoemoe pea ‘iā Keriso, se‘i afio mai le Ali‘i. (4.13-18; 5.1-11)O le to‘atele o le ‘au su‘esu‘e i le ‘upu a le Atua, o le tusi lenei sa tusia i le tausaga e 51, i le vaitaimi lava o le Ali‘i (Anno Domini)O le Fa‘asologa o Matā‘upu:O le ‘upu fa‘afeiloa‘i 1.1O le fa‘afetai ma le fa‘amālō 1.2—3.13O tima‘iga i amioga Kerisiano 4.1-12O fa‘atonuga e uiga i le afio mai o Keriso 4.13—5.11O fautuaga 5.12-22O le ‘upu mulimuli 5.23-28