1 Samuelu 4 - Revised Samoan Catholic Bible

O le Tau‘a a Isaraelu ma Filisitia

1‘Ua alu atu Isaraelu e tau ma Filisitia; ‘ua latou tolauapi i Epenesa, a o Filisitia ‘ua tolauapi i latou i Afeka.

5‘Ua o‘o atu le ‘atola‘au o le feagaiga a le ALI‘I i le togālauapi, ‘ona ‘alalaga ai lea o Isaraelu uma ma le ‘alaga tele, ‘ua u ai le ‘ele‘ele.

6‘Ua lagona e Filisitia le ta‘alili o le ‘alaga, ‘ona fai ane lea, “Se a lenā ‘alaga tele ‘ua ta‘alili mai i le togālauapi a Eperu?” ‘Ona latou iloa lea o le ‘atola‘au a le ALI‘I ‘ua ‘aumai i le togālauapi.

7‘Ua fefefe fo‘i Filisitia, auā ‘ua fa‘apea i latou, “‘Ua o‘o ane le Atua i le togālauapi;” ‘ua latou fai ane fo‘i, “O i talofa ‘iā te i tatou, auā e le‘i fa‘apea anamua.

8O i talofa ‘iā te i tatou, o ai sē lavea‘i ‘iā te i tatou a‘i lima o ia atua mamana? O atua ia na latou fasia Aikupito i fasiga uma i le vao.O le Oti o le Avā a Fineaso

19O le avā a lona atali‘i o Fineaso, ‘ua latalata ‘ona fānau; ‘ua fa‘alogo o ia i le tala, ‘ua ‘avea le ‘atola‘au a le Atua, ‘ua oti fo‘i le tamā o lana tane ‘atoa ma lana tane, ‘ona to‘otuli ai lea o ia ‘ua fānau, auā ‘ua fa‘afuase‘i ‘ona fa‘atigā o ia.

20‘Ua o‘o ‘ina a oti o ia, ‘ua fai mai fafine ē na tutū ai ‘iā te ia, “‘Aua le fefe, ‘ua e fānau mai sau tama tane;” a ‘ua lē tali atu o ia, ‘ua lē tu‘u i ai fo‘i i lona loto. o lo‘o fa‘apea ‘ia, “‘Ua ‘avea le mamalu nai ‘iā Isaraelu;” ‘ina ‘ua ‘avea le ‘atola‘au a le Atua, ‘ona o le tamā fo‘i o lana tane, ‘atoa ma lana tane.

22‘Ua fai ane o ia, “‘Ua ‘avea le mamalu nai ‘iā Isaraelu, auā ‘ua ‘avea le ‘atola‘au a le Atua.”