Fa‘aaliga 12 - Revised Samoan Catholic Bible

O le Fafine na ‘Ofu i le Lā

1‘Ua iloa fo‘i le fa‘ailoga tele i le lagi, o le fafine ‘ua ‘ofu i le lā, o i lalo o ona vae le masina, o i lona ulu fo‘i le paleali‘i fetū e sefulu ma le lua.

2‘Ua tō fo‘i o ia; ‘ua fa‘atigā ma ‘alaga i le tigā a fānau.

3‘Ua iloa fo‘i le tasi fa‘ailoga i le lagi, fa‘auta fo‘i, o le tarako tele e mūmū, e fitu ona ulu ma ona nifo e sefulu; ‘ua i ona ulu o paleali‘i e fitu.

10Na ‘ou fa‘alogo fo‘i i le leo tele i le lagi, ‘ua fa‘apea, “O ona pō nei ‘ua o‘o mai ai le fa‘aolataga, ma le mana, ma le mālō o lo tatou Atua, ma le pule a lona Keriso; auā ‘ua lafo i lalo lē na molia o tatou uso, o lē na molia i latou i luma o lo tatou Atua i le ao ma le pō.

13‘Ua iloa e le tarako ‘ua lafo ifo o ia i le lalolagi, ‘ona tuliloa lea o ia i le fafine na na fānaua le tama tane.

14‘Ona foa‘iina atu lea i le fafine ‘apa‘au e lua o le aeto tele, ‘ina ‘ia lele ai o ia a‘i luma o le gata i le vao i le mea e nofo ai o ia, e fafagaina ai o ia i le tausaga, ma tausaga, ma lona vaeluagalemū o le tausaga. i le oneone i le matāfaga.