Salāmo 130 - Revised Samoan Catholic Bible

O le Vala‘au atu ma le Fa‘atalitali i le ALI‘IO le pese ma ē ō a‘e

1Le ALI‘I e,

‘ua ‘ou vala‘au atu ‘iā te oe a‘i mea loloto.

2Le ALI‘I e,

‘ia e fa‘afofoga mai i lo‘u leo;

‘ia liliu mai ou fofoga i le leo o la‘u ‘ai‘oi atu.

3Le ALI‘I e,

‘āfai ‘e te mataulia le amio leaga,

le Ali‘i e, o ai sē na te mafaia ‘ona tula‘i?

4A o ‘iā te oe le fa‘amāgaloina o sala,

‘ina ‘ia mata‘utia oe.

5‘Ou te fa‘atali atu i le ALI‘I, o lo‘o fa‘atali atu lava lo‘u agaga;

‘ou te fa‘amoemoe fo‘i i lana afioga.

6O lo‘o fa‘atalitali atu lo‘u agaga i le Ali‘i

e sili i ē o leoleo ‘ona fa‘atalitali i le taeao;

e sili lava i ē o leoleo ‘ona fa‘atalitali i le taeao.

7‘Ia fa‘amoemoe Isaraelu i le ALI‘I auā o i le ALI‘I le alofa,

o ‘iā te ia fo‘i le fa‘aolataga tele.

8O ia lava na te fa‘aolaina Isaraelu,

a‘i a latou amio leaga uma lava.