Daniel Greek 10 - Revised Samoan Catholic Bible

O le Fa‘aaliga na Iloa e Tanielu

1O le tolu o tausaga o Kuresa le tupu o Peresia sa fa‘aali mai ai le tasi mea ‘iā Tanielu, o lē ‘ua igoa ‘iā Peletisara; e moni le ‘upu, ‘ae tele tau‘a; na ia iloa fo‘i le mea ma na iloa le fa‘aaliga.

4O le aso e luafulu ma le fa o le masina muamua, sa a‘u i ai i le ‘auvai o le vaitafe tele, o Hitekelu lea.

5‘Ona a‘u tepa a‘e lea ma ‘ou va‘ai, fa‘auta fo‘i, o le tasi tagata ‘ua ‘ofu i le ‘ie lino ma ‘ua fusi lona sulugātiti i le auro lelei o Upasa.

7A ‘ua na o a‘u lava o Tanielu na iloa le fa‘aaliga; auā o tagata sa matou i ai na lē iloa e i latou le fa‘aaliga, a ‘ua o‘otia i latou i le tetemū tele lava, na latou sōsōla fo‘i ia lalafi ai i latou.

8‘Ua tu‘ua to‘atasi lava na o a‘u, ‘ona a‘u iloa lea o lenā mea tele na fa‘aalia mai, ‘ona leai lea o sē toe malosi ‘iā te a‘u; ‘ua mavae lo‘u matagofie, ‘ua ‘ou pulavale, ‘ua leai lava se malosi ‘ua toe ‘iā te a‘u.

12‘Ona fa‘apea mai ai lea o ia ‘iā te a‘u, “Tanielu e, ‘aua le fefe; auā talu le lua‘i aso na e sauni ai lou loto e mafaufau ma fa‘atigāina oe e oe i luma o lou Atua, sa fa‘afofogaina au ‘upu, ‘ua a‘u sau fo‘i ‘ona o au ‘upu.

13A o le ali‘i o le mālō o Peresia na ia tete‘e ‘iā te a‘u i po e luafulu ma le tasi; fa‘auta fo‘i, o Mekaeli o so le ‘au ali‘i sili ia, na ia maliu mai e fesoasoani mai ‘iā te a‘u; na tu‘ua fo‘i a‘u i lea mea fa‘atasi ma tupu o Peresia.

15‘Ua ia fetalai mai na ‘upu ‘iā te a‘u, ‘ona ‘ou fa‘asaga lea o‘u mata i le ‘ele‘ele, ‘ua ‘ou le magagana.

16Fa‘auta fo‘i, o le tasi e pei se tagata ‘ua pa‘i mai i o‘u laugutu; ‘ona ‘ou tautala atu lea, ‘ua fa‘apea atu i lē ‘ua tu mai i o‘u luma, “Le ali‘i e, ‘ua a‘u puapuagātia ‘ona o le fa‘aaliga, ‘ua leai se malosi ‘ua toe ‘iā te a‘u.

20‘Ona fa‘apea mai ai lea o ia, “‘Ua e iloa ‘ea le mea ‘ua a‘u sau ai ‘iā te oe? O lenei, o le a a‘u toe fo‘i e tau ma i le ali‘i o Peresia; fa‘auta fo‘i, a a‘u alu atu, ‘ona sau ai lea o le ali‘i o Iavana.Tani 8.21; 10.13

21‘Ae peita‘i ‘ou te fa‘aali atu ‘iā te oe le mea ‘ua tusia i le Tusi e fa‘amaoni; ‘ua leai fo‘i se tasi e fesoasoani mai ‘iā te a‘u i na mea, ‘ua na o Mekaeli lo ‘outou ali‘i.