Hosea 13 - Revised Samoan Catholic Bible

‘Ua Mavae atu le Manuia o Efaraima

1Na tautala Efaraima ‘ona tupu ai lea o le tetemū, sa mamalu o ia i Isaraelu; a ‘ua o‘o ‘ina agasala o ia i Paala, ‘ona oti ai lea.

2A o nei ona po ‘ua latou saga agasala pea, ‘ua latou faia mo i latou o tupua u‘amea, o tupua ‘ua faia i o latou ario, e tusa ma lo latou manatu; o le galuega a tufuga na mea uma; ‘ua fa‘apea la latou ‘upu i ai, “‘Ia feasogi ma tama‘i povi tagata o ē fai taulaga.”