Sakaria 9 - Revised Samoan Catholic Bible

O le a lavea‘i e le Ali‘i lona nu‘u ‘ae fa‘asala i ona Fili

1O le avega o le afioga a le ALI‘I i le nu‘u o Hataraka, a o Tamaseko o lona mālōlōga lea; auā e ua‘i atu i le ALI‘I o mata o tagata, mai itū‘āiga uma o Isaraelu. o ia.

8‘Ou te tolauapi i lo‘u fale e si‘oma‘i ‘ona o le itūtau‘a, i lo latou alu atu ma lo latou fo‘i mai; o ē le toe alu atu lava lē fa‘asauā ‘iā te i latou; auā o lenei, ‘ua va‘ava‘ai ‘ou lava mata.

Valo‘aga o le Tupu o le a Afio Mai

9‘Ia e matuā fiafia o oe le tama fafine a Siona;

‘ia ‘alaga fiafia o oe le tama fafine a Ierusalema,

fa‘auta, o le a alu atu lou Tupu ‘iā te oe.

O ia o le amiotonu ma le fa‘aola,

e agamalū o ia, o lo‘o ti‘eti‘e i le asini,

o le tama‘i asini fo‘i.

10‘Ou te fa‘aumatia le kariota i Efaraima ma le solofanua i Ierusalema.

E fa‘aumatia fo‘i le ‘aufana o le tau‘a;

na te tautala fo‘i i le leleiga i nu‘u ‘ese.

O lana pule e pau mai i le sami e o‘o atu i le sami,

e pau mai i le vaitafe e o‘o i tulu‘iga o le lalolagi.

O le Fa‘afouga o le Nu‘u o le Atua

11O oe fo‘i,

‘ona o le toto o lau feagaiga,

‘ou te tu‘u atu ai ou tagata ‘ua noanoa e ō ‘ese,

i le lua e lē i ai se vai.

12‘Inā fo‘i mai ia i le ‘olo,

‘outou ‘ua noanoa ‘ua i ai le fa‘amoemoe.

O lenei lava aso ‘ou te ta‘utino atu,

‘ou te toe avatu fa‘alua ‘iā te oe.

13Auā ‘ua ‘ou loua Iuta mo a‘u;

‘ua ‘ou tu‘u Efaraima i le fu‘a o le ‘aufana.

‘Ou te fa‘aoso atu fo‘i i ou tagata Siona e,

e tete‘e atu i ou tagata Iavana e,

‘ou te faia fo‘i oe peiseaī se pelu a se toa.

14E va‘aia e le ALI‘I i o latou luga;

e alu atu lana ū e pei o le uila;

e ili mai le pū o le Ali‘i le ATUA,

e alu atu fo‘i ia i afā o le itū i saute.

15O le ALI‘I o ‘au, o ia na te fa‘amamalu ‘iā te i latou;

latou te ‘a‘ai ma soli i lalo i ma‘a o le ma‘atā.

Latou te feinu, latou te pisapisaō pei o ē inu uaina,

e fa‘atumuina i latou pei o se ipu pei o tulimanu o le fatafaitaulaga.

16E fa‘aolaina i latou e le ALI‘I lo latou Atua i lenā aso;

e pei o le lafu mamoe lona nu‘u.

Auā e fai i latou ma ma‘a o le paleali‘i;

o lo‘o si‘itia i luga i latou i lona lau‘ele‘ele.

17Auā ‘ua tele na‘uā lona lelei,

e tele na‘uā lona matagofie.

E fa‘amalosia taulele‘a i le saito,

ma taupou e fa‘amalosia ia i le uaina.