1 Nofoa‘iga a Tupu Fa‘atomuaga - Revised Samoan Catholic Bible

Fa‘atomuaga O le tusi a Nofoa‘iga a Tupu o le toe fa‘amatalaina o tala ma mea na tutupu; o lo‘o tusia fo‘i i le tusi a Samuelu Muamua ma le Samuelu e Lua ma Tupu Muamua ma le Tupu e Lua; ‘ae fa‘amatalaina i lenei tusi i se isi fo‘i auala. E lua vaega tāua e talanoa i ai le tusi o Nofoa‘iga a Tupu: (1) O le fia fa‘ailoa mai, e ui lava i le fa‘atafunaina o le mālō o Isaraelu ma le mālō o Iuta ‘ae tumau pea le fa‘amaoni o le Atua i lana feagaiga. O nei fuafuaga a le Atua sa fa‘ataunu‘uina lava i tagata o lona nu‘u o lo‘o nonofo i le mālō o Iuta. Sa tausia lava e le Atua lenei feagaiga ‘ona o galuega lelei sa faia e Tavita lana ‘au‘auna ma lona atali‘i o Solomona ma le toe fa‘afouga sa fai e Iosefatu, Esekia ma Iosia ma isi tagata sa fa‘amaoni i le Atua. (2) E fa‘amatalaina fo‘i le amataga o tapua‘iga i le Atua i totonu o le Malumalu i Ierusalema. ‘Ae le gata fo‘i i lea o le tofia ma le fa‘atulagaina o ositaulaga ma le ‘au sa Levī latou te fa‘aauauina nei tapua‘iga. I fa‘amaumauga o lenei tusi e atagia mai ai o Tavita lava o lē na fa‘avaeina le Malumalu ma ana sauniga lotu uma, e ui o Solomona sa ia fausia le Malumalu.O le Fa‘asologa o Matā‘upu:O le lisi o gafa 1.1—9.44O le oti o Saulo 10.1-14O le nofoa‘iga a Tavita 11.1—29.30a. O fa‘afitauli ma mea na tutupu 11.1—22.1e. O le tapenaga i le fausia o le Malumalu 22.2—29.30