1‘Oi talofa i le ‘a‘ai fouvale ma le leaga, o le ‘a‘ai sauā!
9Auā o ona po ia ‘ou te liliu atu ai i nu‘u o le gagana lelei, ‘ina ‘ia latou vala‘au uma lava i le suafa o le ALI‘I, ma ‘au‘auna ‘iā te ia ma le loto gatasi.
10O i tala atu vaitafe o Aitiope e ‘aumai ai le taulaga ‘iā te a‘u o o‘u tagata o ole mai, o le afafine lava o o‘u tagata ‘ua fa‘asalalauina.
12‘Ou te fa‘atotoe i totonu ‘iā te oe o le nu‘u agamalū ma le mativa, latou te fa‘atuatua fo‘i i le suafa o le ALI‘I.
13O ē totoe o Isaraelu latou te lē faia amioletonu, latou te lē tala pepelo fo‘i; e iloa fo‘i i o latou gutu le laulaufaiva fa‘a‘ole‘ole; ‘ae latou te ‘a‘ai ma ta‘o‘oto, e leai fo‘i sē fa‘amata‘u mai.O le Pese Fiafia
14Le tama fafine a Siona e, ‘ia e pese.
Isaraelu e, ‘ia e ‘alaga;
le tama fafine a Ierusalema e, ‘ia e fiafia,
ma ‘oli‘oli lava ma le loto ‘atoa.
15‘Ua fa‘aolaina e le ALI‘I au sala,
‘ua na ‘ave‘eseina lē na fai oe ma ona fili.
O le Tupu o Isaraelu, o le ALI‘I,
o lo‘o i ai o ia i totonu ‘iā te oe,
‘e te lē toe iloa ai se malaia.
16O lea aso o le a fa‘apea atu ai i Ierusalema:
‘Aua ‘e te fefe; Siona e,
‘aua ne‘i vaivai ou lima.
17O le ALI‘I, lou Atua i totonu ‘iā te oe,
o lē malosi ia na te fa‘aolaina.
E ‘oli‘oli o ia ‘iā te oe ma le fiafia;
o lona alofa e le fetalai ai o ia;
e ‘oli‘oli lava o ia ‘iā te oe ma ofo fiafia.
18‘Ou te fa‘apotopotoina i latou ‘ua fa‘anoanoa ‘ona o tausamiga,
o o‘u tagata i latou ‘ua mafatia i le luma ‘ona o ia.
19Fa‘auta, o ona po ia ‘ou te fa‘atigā ai ‘iā te i latou uma,
o ē fa‘asauā ‘iā te oe.
‘Ou te fa‘aolaina fo‘i lē ‘ua setusetu,
‘ou te fa‘apotopotoina fo‘i lē ‘ua tulia.
‘Ou te avatu fo‘i ‘iā te i latou le vi‘iga,
ma le igoa i nu‘u uma lava sa fa‘amāina ai i latou.
20O ona po ia ‘ou te ‘aumai ai ‘outou,
o ona po fo‘i lava ‘ou te fa‘apotopotoina ai ‘outou.
‘Ou te avatu ai lava ‘iā te ‘outou le igoa ma le vi‘iga i nu‘u uma o le lalolagi,
pe a ‘ou fa‘afoisia la ‘outou tāfeaga, o ‘outou o va‘ai i ai.
O lo‘o fetalai mai ai le ALI‘I.
Who We AreWhat We EelieveWhat We Do
2025 by iamachristian.org,Inc All rights reserved.
