2 Nofoa‘iga a Tupu 13 - Revised Samoan Catholic Bible

O le Tau‘a a Avia ma Ierepoamo(1 Tu 15.1-8)

1O le sefulu ma le valu o tausaga o le tupu o Ierepoamo, na fai ai Avia ma tupu o Iuta.

2E tolu tausaga na fai ai o ia ma tupu i Ierusalema. O le igoa fo‘i o lona tinā o Mekaia le afafine o Urielu, o le Kipea ia.

Sa tau Avia ma Ierepoamo.

3Na amataina le tau‘a e Avia, o lana itūtau‘a o toa malolosi e fa selau o afe o tagata ‘ua filifilia; na tofi mai fo‘i e Ierepoamo le tau‘a e tau ma ia, o lana itūtau‘a e valu selau o afe o tagata ‘ua filifilia, o toa malolosi.

4‘Ua tu Avia i luga o le mauga o Semaraima o i le mauga o Efaraima, ‘ua fa‘apea atu, “Ierepoamo e, ma Isaraelu uma, ‘inā fa‘afogafoga mai ia ‘iā te a‘u;

13A ‘ua fai atu Ierepoamo ‘ia sisi‘o le ‘au e tanu i o latou tua; sa i ai fo‘i i latou i luma o Iuta, sa i o latou tua fo‘i le ‘au ‘ua tanu.

14‘Ona tepa lea i tua o Iuta, fa‘auta fo‘i, sa i ai ‘au i o latou luma ma o latou tua; ‘ona ‘alalaga atu lea o i latou i le ALI‘I ma ‘ua ili pū e le ‘au ositaulaga.

15‘Ona solovī lea o tagata o Iuta; ‘ua solovī tagata o Iuta, ‘ona fasia lea e le Atua o Ierepoamo ma Isaraelu uma i luma o Avia ma Iuta.

21A ‘ua tupu le malosi o Avia, ‘ua fai ni ana avā e to‘asefulu ma le to‘afa ma ‘ua fānaua ona atali‘i e to‘aluafulu ma le to‘alua ma afafine e to‘asefulu ma le to‘aono.

22O toe o mea na faia e Avia ma ana amio ma ana ‘upu, ‘ua tusia i le tala a Itu le perofeta.