Baruch 1 - Revised Samoan Catholic Bible

O ‘Upu Tomua

1O ‘upu nei o le tusi na tusia e Paruka, le atali‘i o Neria, o le atali‘i ia o Maaseia, o le atali‘i ia o Setekaia, o le atali‘i ia o Hasataia, o le atali‘i ia o Hilikia, i Papelonia, ma tagata o le nu‘u, mai Ierusalema ma ‘ua na ta‘ita‘iina i latou i Papelonia, o saisaitia. O le Tusi i Ierusalema

10‘Ua fa‘apea la latou ‘upu:

O lenei ‘ua matou ‘auina atu ‘iā te ‘outou ni tupe, ‘ina ‘ia ‘outou fa‘atau mai ai o taulaga mū ma le mea manogi; ma ‘ia ‘outou faia ni taulaga fa‘afetai ma taulaga mo le agasala, ‘ia molia i le fatafaitaulaga o le Ali‘i lo tatou Atua;

11ma ‘ia ‘outou tatalo mo le soifua o Nepukanesa, le tupu o Papelonia ma le soifua o Pelesara lona atali‘i, ‘ina ‘ia ‘avea o lā‘ua aso e pei o aso o le lagi i le lalolagi;