Iona 1 - Revised Samoan Catholic Bible

‘Ua ‘Auina o Iona e le ALI‘I i Nineva. ‘Ua maua e le Afā ‘ina o Sola i Tasesa

1‘Ua o‘o mai le afioga a le ALI‘I ‘iā Iona le atali‘i o Amitai, ‘ua fa‘apea mai,

6‘Ona alu atu lea o le ali‘iva‘a ‘iā te ia ma fai atu ‘iā te ia, “A fa‘apefea ‘ea oe, lē moe gase? ‘inā tula‘i ia, ‘inā vala‘au i lou Atua, atonu e manatu mai le Atua ‘iā te i tatou, ‘ina ‘ia lē oti i tatou.”

7‘Ona latou fetautalatala‘i lea, “‘Inā ō mai ia, se‘i tatou faia le vili, ‘ina ‘ia tatou iloa po o ai ‘ua o‘o mai ai lenei malaia ‘iā te i tatou.” ‘Ona latou faia lea o le vili, ‘ua fa‘asaga fo‘i le vili ‘iā Iona.

8‘Ona latou fai atu ai lea ‘iā te ia, “‘Inā ta‘u mai ia ‘iā te i matou, po o ai ‘ua o‘o mai ai lenei malaia ‘iā te i tatou? O le a ‘ea lou faiva? O fea ‘ea na e sau ai? O ifea ‘ea lou nu‘u? O ai ‘ea tagata na e tupu mai ai?”

9‘Ona fai mai ai lea o ia ‘iā te i latou, “O a‘u o le Eperu;” “‘Ou te mata‘u i le ALI‘I le Atua o le lagi, o lē na faia le sami ma le ‘ele‘ele matūtū.”

13A ‘ua taualo fa‘amalosi lava o ia tagata, ‘ina ‘ia toe o‘o i uta; a ‘ua lē mafaia e i latou auā ‘ua tuputupu pea le sousou o le vasa sa tigā ai i latou.

14‘Ona latou vala‘au atu lea i le ALI‘I ‘ua fa‘apea atu, “Matou te ‘ai‘oi atu ‘iā te oe, le ALI‘I e, ‘aua ne‘i fano i matou ‘ona o le ola o lenei tagata o le a ‘ave‘esea, ‘aua fo‘i ne‘i fa‘ae‘e i luga ‘iā i matou le toto o le tagata e le sala; auā o oe le ALI‘I e, ‘ua e faia le mea ‘ua e finagalo i ai.”

17Na tofia e le ALI‘I le i‘a tele e foloina Iona. Na i ai fo‘i Iona i le manava o le i‘a e tolu ao e tolu fo‘i po.