Salāmo 124 - Revised Samoan Catholic Bible

Na o le Atua e Lavea‘i i lē PuapuagāO le pese a Tavita ma ē ō a‘e

1‘Ana le se anoa le ALI‘I na ‘iā te i tatou,

‘ia fa‘apea atu lava Isaraelu.

2‘Ana le se anoa le ALI‘I na ‘iā te i tatou,

‘ina ‘ua laga mai tagata ‘iā te i tatou;

3po ‘ua latou foloolaina i tatou,

‘ina ‘ua tupu tele lo latou ita mai ‘iā te i tatou;

4po ‘ua tatou malelemo i le vai;

po ‘ua lofia i tatou i le alia;

5po ‘ua tafe mai le vai fa‘amaualuga i o tatou luga.

6‘Ia fa‘afetaia le ALI‘I,

o lē na lē tu‘uina atu i tatou

‘ina ‘ia saeia i o latou nifo.

7‘Ua sōsōla i tatou e pei o le manu

nai le matāsele a ē fai manu;

‘ua motu le matāsele,

i lē ‘ua sōsōla i tatou.

8O lo tatou fesoasoani o i le suafa o le ALI‘I lea,

o lē na faia le lagi ‘atoa ma le lalolagi.