Kolose Fa‘atomuaga - Revised Samoan Catholic Bible

Fa‘atomuagaO le Tusi a Paulo ‘iā Kolose (Kolosai i le fa‘a-Eleni), o le ‘a‘ai i le itū i sasa‘e o Efeso. Sa tala‘i atu i ai le Tala Lelei e Epafara, o le so‘o a Paulo. (1.7; 4.12) Na maua e Paulo le tala e uiga i a‘oa‘oga taufa‘asesē o lo‘o tala‘iina i Kolose fa‘apea, “O le fa‘aolataga ma le iloa lelei o le Atua, pe ‘āfai e tapua‘i atu i ta‘ita‘i ma pule fa‘aleagaga.” (2.8-23) ‘Ua fa‘apenā fo‘i lona tala‘i atu nei tagata taufa‘asesē, e tatau ‘ona fa‘atinoina nisi o sauniga fa‘apitoa e pei o le peritome ma ‘ia tausia lelei fo‘i le tulafono o mea ‘ai ma isi mea e tele.‘Ua tusi atu Paulo e tete‘e atu i nei a‘oa‘oga sesē e ala i lona ta‘u atu o le fe‘au moni fa‘a-Kerisiano. Sa fa‘alauiloa atu e Paulo ‘ua na o Keriso lava o le ‘atoaga o le fa‘aolataga. Sa fa‘aalia e Paulo o le Atua na ia gaosia le lalolagi ma mea uma ‘iā Keriso ma o Keriso fo‘i ‘ua ia toe maua ai mea uma. ‘Ua na o Keriso e maua ai le fa‘amoemoe mo le fa‘aolataga o le lalolagi.O le to‘atele o le ‘au popoto i le ‘upu a le Atua, o le tusi lenei sa tusia i le vā o le tausaga 61-63, i le vaitaimi lava o le Ali‘i. (Anno Domini)O le Fa‘asologa o Matā‘upu:O ‘upu fa‘afeiloa‘i 1.1-8O le natura ma le galuega a Keriso 1.9—2.19O le ola fou ‘iā Keriso 2.20—4.6O le ‘upu mulimuli 4.7-18