1 Tupu 7 - Revised Samoan Catholic Bible

O le Fale o Solomona ma mea na faia mo le fale o le Atua

1E sefulu ma le tolu o tausaga o fai ai e Solomona lona lava fale, ‘ua ia fa‘auma ‘ona fai o lona fale uma.

9O ma‘a silisili na fai ai uma lava, e pei o le fua o ma‘a talai, ‘ua ilia i ili, o totonu ‘atoa fo‘i ma tua, e amata a‘e i le fa‘avae, e o‘o i ma‘a aupitoaluga, ‘atoa ma tuāfafo atu, e o‘o i le lotoā tele.

10‘Ua faia fo‘i le fa‘avae i ma‘a silisili, o ma‘a tetele, o ma‘a ta‘isefulu o kupita ma ma‘a ta‘ivalu o kupita.

11Sa i luga fo‘i ma‘a silisili, e pei o le fua o ma‘a talai; sa i ai fo‘i arasi.

12Sa i le lotoā tele fo‘i na so‘o ai o le atu ma‘a talai ‘ua sautuatolu ma le atu la‘au fa‘alava o arasi ‘ua talai mo le lotoā aupito i totonu e pei o le fale o le ALI‘I, ‘atoa ma le fa‘apaologa o le fale.O Galuega a Hiramo

13‘Ua alu atu le fe‘au a le tupu o Solomona ma ‘ua ‘aumai ‘iā Hiramo mai Turo.

14O le tama tane ia a le fafine ‘ua oti lana tane, o lo le itū‘āiga o Nafatali, a o lona tamā o le tagata Turo ia, o le tufuga fai mea ‘apamemea; sa tumu ia i le poto ma le mafaufau, ‘ua na iloa e faigaluega uma i mea ‘apamemea. ‘Ua sau o ia i le tupu o Solomona, ma na faia ana galuega uma.O Pou ‘Apamemea e Lua(2 No 3.15-17)

15‘Ua faia e ia o pou ‘apamemea e lua, e sefulu ma le valu o kupita o lo la maualuga ta‘itasi; ‘ua fa‘ata‘ali‘oli‘oina fo‘i o lea pou ma lea pou i le fua e sefulu ma le lua ona kupita.

21‘Ua ia fa‘atūina ia pou i le fa‘apaologa o le malumalu; ‘ua ia fa‘atūina le pou i le itū taumatau, ma ia fa‘aigoaina lona igoa o Iakina; ‘ua ia fa‘atūina le pou i le itū tauagavale ma fa‘aigoaina lona igoa o Poasa.

22‘Ua i ai fo‘i i pito pou i luga o mea e pei o susana.

‘Ua fa‘auma ai ‘ona faia o pou.

O le Tanevai ‘Apamemea(2 No 4.2-5)

23‘Ua ia faia fo‘i le vai ‘apamemea, e sefulu kupita lona fua, e āfua mai i le tasi itū o lona lau, e o‘o i le isi itū o lona lau; o le mea fa‘ata‘ali‘oli‘o lava; e lima kupita o lona maualuga; ‘ua fa‘ata‘ali‘oli‘oina i le fua e tolu sefulu ona kupita.

24Sa i lalo fo‘i o lona lau o vine vao e fa‘ata‘ali‘oli‘o ai ‘ua so‘o ai lava, e ta‘isefulu i kupita; ‘ua fa‘ata‘ali‘oli‘oina le vai; ‘ua faia ō atu vine vao e lua ‘ina o faia ia.

25‘Ua fa‘ae‘e ai i luga o povi e sefulu ma le lua; ‘ua fa‘asaga le tolu i le itū i matū, ‘ua fa‘asaga le tolu i sisifo, ‘ua fa‘asaga le tolu i le itū i saute, ‘ua fa‘asaga fo‘i le tolu i sasa‘e; ‘ua i o latou luga le vai, o latou tua uma fo‘i na i totonu ia.

48‘Ua faia e Solomona o mea uma o le fale o le ALI‘I; o le fatafaitaulaga auro; ma le laulau auro ‘ua i ona luga le areto e laulauina i luma;

51‘Ua uma fo‘i ‘ona fai o le galuega uma na faia e le tupu o Solomona mo le fale o le ALI‘I. ‘Ona ‘aumai lea e Solomona o mea na fa‘asāina e lona tamā o Tavita; o ario ma auro ma ipu; ‘ua ia tu‘u fa‘atasi fo‘i ma ‘oloa o le fale o le ALI‘I.