Salāmo 128 - Revised Samoan Catholic Bible

O le Manuia o ē Matata‘u i le ALI‘IO le pese ma ē ō a‘e

1‘Amu‘ia i latou uma o ē matata‘u i le ALI‘I,

o ē sāvavali i ona ala.

2Auā ‘e te ‘ai i mea e galue ai ou lima;

e ‘iā te oe le manuia, e ‘iā te oe fo‘i le lelei.

3E ‘avea lau avā pei o le vine fua tele mai

i totonu o lou fale;

o lau fānau e pei o tama‘i olive

e vagavagai lau la‘o‘ai.

4Fa‘auta, e fa‘apea ‘ona manuia o le tagata

e mata‘u i le ALI‘I.

5E fa‘amanuia mai le ALI‘I ‘iā te oe mai Siona;

‘ona e iloa atu lea le manuia o Ierusalema i aso uma o lou olaga.

6‘E te iloa atu fo‘i le fānau a lau fānau.

E ‘iā Isaraelu le manuia.