1 Makapaio 1 - Revised Samoan Catholic Bible

O Alesana le Sili

1‘Ua fa‘ato‘ilaloina o Tariu, o le tupu o tagata Peresia ma tagata Meati, e Alesana, le atali‘i o Filipo, o le tagata Maketonia ‘ua tupu mai i le fanua o Kitimo, sa lua‘i ‘avea o ia ma tupu o tagata Eleni.

2‘Ona ia tau ai lea ni tau‘a i aso e tele, ‘ua na maua ai o ‘a‘ai nofo ‘olo uma ma ‘ua fasia e ia o tupu o le lau‘ele‘ele.

3Ma ‘ua o‘o atu o ia i tulu‘iga o le lau‘ele‘ele ma ‘ua maua o vete a nu‘u e tele lava ma ‘ua fa‘alologo le lalolagi i ona luma.

4Ma ‘ua fa‘ala‘ei‘au, o le ‘au matuā malosi lava; ma ‘ua fa‘aeaina lona loto ma ‘ua fa‘amaualugaina;

5ma ‘ua maua e ia o le lau‘ele‘ele o nu‘u ‘ese ma o latou tupu, ‘ua latou fai lafoga ‘iā te ia.

6‘Ona o‘o lea ‘ina pa‘ū o ia i lona moega ma ‘ua iloa ai o le a oti o ia.

7Ma ‘ua vala‘au mai i tamaali‘i o lona ‘au‘āiga, sa tausia fa‘atasi ma ia talu mai i lo latou itiiti ma ‘ua vaevae atu ‘iā te i latou lona mālō, a o ola pea o ia.

8Ma ‘ua fai o Alesana ma tupu i tausaga e sefulu lua, ‘ona oti ai lea;

9ma ‘ua ‘avea o ona atali‘i ma tupu, e ta‘ito‘atasi i lona lau‘ele‘ele;

10ma ‘ua fa‘ae‘e e i latou uma ni paleali‘i ‘iā te i latou lava, ‘ina ‘ua oti o ia, e fa‘apea ma o latou atali‘i ‘ua mulimuli mai ‘iā te i latou i tausaga e tele; ma ‘ua fa‘atuputeleina o mea leaga i le lalolagi.

O Atioko Epifano ma Tagata Iutaia Fa‘a‘ole‘ole(2 Maka 4.7-17)

11‘Ua tupu mai ‘iā te i latou le pogati agasala, o Atioko Epifano le mamalu, o le atali‘i o le tupu o Atioko, na lua‘i ‘avea ma fa‘afo‘i ita i Roma; ‘ua fai o ia ma tupu i le tausaga e selau ma le tolugafulu ma le fitu o le nofoa‘iga a tagata Eleni.

12I ona po ia na tūtūla‘i i Isaraelu o le fānau amio leaga ma ‘ua latou fa‘a‘ole‘ole i ni isi e to‘atele, o fai atu, “‘Inā tatou ō ia ma osi a tatou feagaiga ma nu‘u ‘ua vagavagai ‘iā te i tatou, auā e āfua mai i lo tatou tēte‘a‘ese ma i latou, ‘ua maua i tatou i mea leaga e tele.” ‘Ua Osofa‘ia e Atioko le Mālō o Aikupito

17Ma ‘ua manatu o Atioko ‘ua mausalī lona mālō, ‘ona ia taumafai ai lea ‘ona ia pule i Aikupito, ‘ina ‘ia fai ai o ia ma tupu i mālō ia e lua.

18Ma ‘ua ulu atu i le ‘ele‘ele o Aikupito ma le ‘au e to‘atele anoanoa‘i, ma nofoa ta‘avalevale ma elefane ma le ‘au ti‘eti‘e i solofanua ma le fuāva‘a e matuā tele lava; ‘ona ia fo‘i mai ai lea ma ‘ua alu a‘e ‘iā Isaraelu.

26Ma ‘ua tele ai le tagitu‘i i Isaraelu

ma lo latou lau‘ele‘ele uma;

27ma ‘ua fētāgisi o ta‘imua ma toeaina;

o teine ma taulele‘a ‘ua lailoa i latou

ma ‘ua mavae le lālelei o fafine.

28‘Ua tagiauē o tane uma lava

ma ‘ua feoi o ē nofotane i o latou afeafe.

29Ma ‘ua fa‘agae‘etia le lau‘ele‘ele ‘ona o ē sa nonofo ai,

ma ‘ua ufitia i le māsiasi le ‘āiga ‘atoa o Iakopo.

30‘Ua mavae atu aso e tusa ma tausaga e lua, ‘ona ‘auina mai lea e le tupu i ‘a‘ai o Iuta le tagata e pule i lafoga ma ‘ua alu ‘ae i Ierusalema ma le motu o tagata e to‘atele. na fa‘atūina ai e le tupu o Atioko le tupua ‘inosia e fa‘atafunaina a‘i i luga o le fatafaitaulaga o le Atua; ma ‘ua latou atiina a‘e solo ni fatafaitaulaga i ‘a‘ai uma o Iuta; Tani 9.27; 11.31; Mata 24.15; Mare 13.14

58ma ‘ua latou fa‘amū le mea manogi ma osi taulaga i luma o faitoto‘a o fale, ‘atoa ma auala tele.

59O tusi fo‘i o le tulafono a le Atua ‘ua latou saeia ma susunu i le afi;

60‘ai se tasi fo‘i e maua i ai o tusi o le feagaiga a le Ali‘i, po o se tasi fo‘i na te tausia le tulafono a le Ali‘i, sa latou fasioti ‘iā te ia e tusa ma le poloa‘iga a le tupu.

61O la latou pule sauā sa latou fa‘apea ai i tagata sa maua i ‘a‘ai o Isaraelu i lea masina ma lea masina.

62A o le aso luasefulu ma le lima o le masina, sa latou ositaulaga ai i le fata sa fa‘atūina i luga o le fatafaitaulaga o le malumalu.

63O fafine fo‘i sa fa‘aperitomeina a latou tama, sa fasiotia i latou e tusa ma le poloa‘i a le tupu o Atioko; 2 Maka 6.10

64sa fa‘atautau o tamaiti i o latou ua i o latou fale uma, sa latou fasioti fo‘i o ē sa fa‘aperitomeina ‘iā te i latou.

65A o ni isi e to‘atele o le nu‘u Isaraelu ‘ua tonu i o latou loto, latou te lē ‘a‘ai i mea e sā, ma ‘ua fa‘asili e i latou le oti i le fa‘aleagaina i latou i mea e ‘ai e sā;

66ma ‘ua latou mumusu e soli le tulafono pa‘ia a le Atua ma ‘ua fasiotia ai i latou.

67Ma ‘ua matuā tele lava le ita o tagata Suria i le nu‘u.