1‘Ou te pese i le alofa ma le fa‘amasinoga,
le ALI‘I e, ‘ou te fai pesega ‘iā te oe.
2‘Ou te fa‘autauta i le ala e sa‘o ‘ona lelei;
‘e te afio mai ‘ea afea ‘iā te a‘u?
‘Ou te savali a‘u ma le loto sa‘o i totonu o lo‘u fale.
3‘Ou te lē tu‘u i o‘u luma se mea leaga;
‘ou te ‘ino‘ino i le amio a ē liliu ‘ese,
e le pipi‘i mai lea ‘iā te a‘u.
4E te‘a lava ma a‘u o lē ‘ua fa‘api‘opi‘o lona loto;
mā te lē feoa‘i ma lē ‘ua amio leaga.
5O lē tuaupua i lē la te tuā‘oi,
e fano lea ‘iā te a‘u;
o lē ‘ua mata fa‘amaualuga ma le loto fefete,
‘ou te lē mafaia lava lea.
6‘Ou te fia va‘ai i ē o fa‘amaoni i le nu‘u,
matou te nonofo ma a‘u;
o lē savali i le ala ‘ua sao ‘ona lelei,
o ia lava lea e ‘au‘auna mai ‘iā te a‘u.
7E lē nofo i lo‘u fale o sē fai mea fa‘a‘ole‘ole;
o le tala pepelo fo‘i e lē tumau ia i o‘u luma.
8E fano ‘iā te a‘u i taeao fai so‘o
o i latou uma o ē amio leaga o i le nu‘u,
‘ina ‘ia vavae‘eseina i le ‘a‘ai a le ALI‘I
o i latou uma lava o ē fai mea leaga.
Who We AreWhat We EelieveWhat We Do
2025 by iamachristian.org,Inc All rights reserved.
