1 Samuelu 10 - Revised Samoan Catholic Bible

‘Ua Fa‘au‘uina Saulo e Samuelu

1‘Ona tago lea o Samuelu i le fagu u‘u, ‘ua liligi ifo ai i lona ulu, ma sogi ‘iā te ia; ‘ua fai mai, “E lē ‘ua fa‘au‘u ‘ea oe e le ALI‘I e fai ma ali‘i i lona tofi?

9‘Ua o‘o ‘ina ‘ua liliu atu lona tua e alu ‘ese ‘iā Samuelu, ‘ona liliu lea o lona loto e le Atua; ‘ua taunu‘u fo‘i nei fa‘ailoga uma i lea lava aso.

10‘Ua o‘o atu i lā‘ua i le mauga, fa‘auta i le ‘au perofeta ‘ua fetaia‘i ma ia, ‘ona osofia lea o ia e le Agaga o le Atua, ‘ona perofeta ane lea o ia fa‘atasi ma i latou.‘Ua Fa‘ailoa atu o Saulo o le Tupu o Isaraelu

17‘Ua fa‘apotopotoina le nu‘u uma e Samuelu i luma o le ALI‘I i Mesepa.

18‘Ona fai atu lea o ia i le fānauga a Isaraelu, “O lo‘o fa‘apea mai le ALI‘I le Atua o Isaraelu, ‘O a‘u na ‘ou ‘aveina a‘e ‘iā Isaraelu nai Aikupito, ma ‘ou lavea‘iina ‘outou nai lima o Aikupito, ma lima o mālō uma na fa‘asauā ‘iā te ‘outou.’

19A o ‘outou, ‘ua ‘outou lafoa‘i atu i lenei aso i lo ‘outou Atua sa na fa‘aola ‘iā te ‘outou i mea uma na ‘outou leaga ai ma o ‘outou puapuagā uma; ‘ua ‘outou fai mai fo‘i ‘iā te ia, ‘‘Ia tofia lava se tupu mo i matou o lenei.’ ‘Inā laulau tutū mai ia i luma o le ALI‘I o ‘outou itū‘āiga ma o ‘outou ‘āiga.”

20‘Ona fa‘alatalataina mai lea e Samuelu o itū‘āiga uma o Isaraelu; ‘ona maua lea o le itū‘āiga o Peniamina.

21‘Ua fa‘alatalataina mai e ia le itū‘āiga o Peniamina, e āua‘i mai ai ‘āiga, ‘ona maua lea o le ‘āiga o Matere; ‘ona maua lea o Saulo le atali‘i o Kiso; na latou sā‘ili ‘iā te ia, e le‘i iloa.