Ieremia 34 - Revised Samoan Catholic Bible

O le Fe‘au a le Ali‘i ‘iā Setekaia

1O le afioga na o‘o mai ‘iā Ieremia mai le ALI‘I, a o tau ma Ierusalema ma ona ‘a‘ai uma o Nepukanesa le tupu o Papelonia ma lana itūtau‘a uma ma mālō uma o le lalolagi na ia pule i ai ma nu‘u uma, ‘ua fa‘apea mai,

6‘Ona fai atu ai lea o Ieremia le perofeta ‘iā Setekaia le tupu o Iuta ia ‘upu uma i Ierusalema,

7‘ina o tau le itūtau‘a a le tupu o Papelonia ma Ierusalema ma ‘a‘ai uma sa totoe i Iuta, o Lakisa ma Aseka; auā o ‘a‘ai nofo ‘olo ia sa totoe i ‘a‘ai o Iuta.O le Fa‘alataga o Pologa

8O le afioga na o‘o mai ‘iā Ieremia mai le ALI‘I, ‘ina ‘ua mavae ‘ona osia o le feagaiga e Setekaia le tupu ma le nu‘u uma sa i Ierusalema, e tala‘i atu ‘iā te i latou le sa‘olotoga;

9‘ia latou ta‘itasi ma tu‘usa‘olotoina lana ‘au‘auna tane ma lana ‘au‘auna fafine, o le tane Eperu ma le fafine Eperu; ‘ina ‘ia lē fa‘apologaina e so latou se tagata Eperu, lona uso.