Numera 1 - Revised Samoan Catholic Bible

O le Faitau aofa‘i o ‘au a Isaraelu

1‘Ua fetalai mai le ALI‘I ‘iā Mose i le vao o Sinai, i le fale fetāfa‘i o le fa‘apotopotoga, i le ulua‘i aso o le masina e lua i le tausaga e lua talu ‘ona latou ō mai nai le nu‘u o Aikupito, ‘ua fa‘apea mai:

48Auā na fetalai mai le ALI‘I ‘iā Mose, ‘ua fa‘apea mai:

49Tau lava o le itū‘āiga o Levi ‘aua ‘e te faitaulia, ‘aua fo‘i ‘e te faitau aofa‘i i latou fa‘atasi ma le fānauga a Isaraelu

50a ‘ia e tofia sa Levī e pule i le malumalu ‘ua i ai le tulafono, ma ona ipu uma, ma ana mea uma; latou te tau‘ave le malumalu ma ona ipu uma; ma latou ‘au‘auna i ai; latou te tolauapi fo‘i fa‘ata‘ali‘oli‘o i le malumalu.

51Pe a ‘ave le malumalu, e talaina lava e sa Levī; pe a tō fo‘i le malumalu, e fa‘atūina lava e sa Levī; a o le tagata ‘ese e fa‘alatalata i ai e fasiotia lava ia.1 Samu 6.19; 2 Samu 6.6-7

52E tolauapi le fānauga a Isaraelu, po le tagata ma le toagalauapi o lona itū‘āiga, o le tagata fo‘i i le mea e i ai lo latou tagāvai, ‘iā latou ‘au.

53A o sa Levī; latou te tolauapi fa‘ata‘ali‘oli‘o i le malumalu ‘ua i ai le tulafono, ‘ina ne‘i o‘o le to‘asā i le fa‘apotopotoga o le fānauga a Isaraelu; e tausi fo‘i e sa Levī sauniga o le malumalu ‘ua i ai le tulafono.

54‘Ua faia lava e le fānauga a Isaraelu e tusa ma mea uma na poloa‘i mai ai le ALI‘I ‘iā Mose, ‘ua fa‘apea lava ‘ona latou faia.