Mika 7 - Revised Samoan Catholic Bible

‘Ua Latou Tagi ‘ina ‘ua To‘aitiiti, ‘ona Sā‘ili ai lea i le Atua

1Auē a‘u nei! auā ‘ua ‘avea a‘u pei o le fuata ‘ua uma ‘ona fa‘aputuina, pei o toe fuifui vine i le taugāvine e leai se fuifui vine e ‘ai ai; na ‘ou mana‘o i le mati e mua‘i matua.

7A o a‘u, ‘ou te fa‘atalitali i le ALI‘I, ‘ou te fa‘amoemoe i le Atua o lo‘u olataga; e fa‘afofoga mai lo‘u Atua ‘iā te a‘u.

8‘Aua ‘e te mitamita ‘iā te a‘u, o oe na, lē na ita mai ‘iā te a‘u; e ui lava ‘ina ‘ou pa‘ū, ‘ou te toetū lava i luga; e ui lava ‘ina ‘ou nofo i le pouliuli, a o le ALI‘I o lo‘u malamalama ia.

11O le aso e atiina a‘e ai ou pā, o le aso lea e ‘avea mamao ai le tulafono.

12O lea aso, latou te ō mai ai lava ‘iā te oe nai Asuria, ‘atoa ma ‘a‘ai o Aikupito mai Aikupito lava e o‘o i le vaitafe mai le tasi sami e o‘o i le tasi sami, mai le tasi mauga e o‘o i le tasi mauga.

15Fa‘apei o ona po sa e sau ai i le nu‘u o Aikupito, ‘ou te fa‘aali atu i ai vāvega.

16E iloa e nu‘u ‘ese, ‘ona māsiasi ai lea o i latou i lo latou malosi uma; latou te ufiufi ai o latou gutu i o latou lima, e tutuli fo‘i o latou taliga.

18O ai ‘ea se Atua e tusa ma oe o le fa‘amāgalo agasala, ‘ina ‘ua lē manatua solitulafono a ē o totoe o lona tofi. Na te lē fa‘amoemoe pea i lona to‘asā, auā e fiafia o ia i le alofa.