Mareko 7 - Revised Samoan Catholic Bible

O ‘Uputu‘u o ē Anamua(Mata 15.1-9)

1‘Ua potopoto ane ‘iā Iesu le ‘au faresaio, ma nisi o le ‘au tusi‘upu, o ē ‘ua ō mai mai Ierusalema.

2‘Ua latou iloa nisi o ona so‘o ‘ua ‘a‘ai i latou ma o latou lima ‘ua leaga, o lona uiga, ‘ua lē fafanoina.

3Auā o le ‘au faresaio, ‘atoa ma Iutaia uma e lē ‘a‘ai i latou ‘ina se‘ia uma ‘ona fafano lelei o latou lima; o lo‘o tāofi i latou i ‘uputu‘u a ē anamua.

4A ō mai fo‘i i latou mai le malae, pe ‘āfai latou te lē mulumulu, ‘ua lē ‘a‘ai lava; o isi fo‘i mea e tele ‘ua latou talia, ma tāofi i ai, o le fufuluina o ipu e inu ai, ma ipu, ma ipu ‘apamemea.

5‘Ona fesili ane lea o le ‘au faresaio ma le ‘au tusi‘upu ‘iā te ia, “Se a le mea e lē usiusita‘i ai ou so‘o i ‘uputu‘u a ē anamua, a ‘ua latou ‘a‘ai ma o latou lima e lē fafanoina?”

6‘Ona tali atu lea o ia ‘iā te i latou, ‘ua fa‘apea atu, “‘Ua tatau lelei le valo‘aga a Isaia ‘iā te ‘outou tagata fa‘afiaamiotonu, e pei ‘ona tusia,

‘‘Ua vivi‘i mai lenei nu‘u i o latou laugutu,

a o latou loto ‘ua taumamao ‘iā te a‘u.

7E tapua‘i fua mai i latou ‘iā te a‘u,

i lo latou fai ma matā‘upu o poloa‘iga a tagata.’

8Auā ‘ua ‘outou tu‘ua le poloa‘iga a le Atua, ‘ae tāofi i ‘uputu‘u a tagata.”

9‘Ua fetalai atu fo‘i o ia ‘iā te i latou, “‘Ua lelei tele lo ‘outou fa‘alēaogāina le poloa‘iga a le Atua, ‘ina ‘ia ‘outou tāofi a ‘outou ‘uputu‘u.

10Auā ‘ua fai mai Mose, ‘‘Ia e āva i lou tama ma lou tinā;’ i le ma lea, ‘O lē fai ‘upu leaga i le tamā po o le tinā, ‘ia fasiotia lava ia.’ ‘ona sau ai lea o ia ‘iā Iesu, ‘ua fa‘apa‘ū mai i ona vae;

26O le fafine Eleni ia, na fānau i Suria Foinie, ‘ua ia fa‘atoga ‘iā te ia, ‘ina ‘ia tulia i fafo le temoni i lana tama.

27A ‘ua fetalai atu Iesu ‘iā te ia, “Se‘ia lua‘i mā‘o‘ona le fānau auā e lē tatau ‘ona ‘ave mea e ‘ai a le fānau ma lafo i ta‘ifau.”

28‘Ona tali mai lea o ia ‘iā Iesu, ‘ua fa‘apea mai, “Le Ali‘i e, e moni a oe; ‘ae ui i lea o ta‘ifau i lalo o le la‘o‘ai e ‘a‘ai i latou i toe ‘aiga a fānau.”

29‘Ona fetalai atu ai lea o Iesu ‘iā te ia, “‘Inā alu ia ‘ona o lau ‘upu lenā; ‘ua te‘a le temoni sa i totonu i lau tama teine.”

30‘Ona alu atu lea o ia i lona fale, ‘ua maua ai lana tama teine o ta‘oto i luga o le moega, a ‘ua te‘a le temoni.

‘Ua Fa‘amālōlō e Iesu le Tagata Tutuli

31‘Ona toe tu‘ua lea e Iesu o le itū o Turo ma Saitonu, ‘ua o‘o atu i le vai o Kalilaia; ‘ua ui atu i le itū o Tekapoli. ‘iā te ia i le motu o tagata, ‘ua tu‘u ona tamatama‘i lima i totonu o ona taliga, ‘ua feanu fo‘i ma pa‘i ane i lona laulaufaiva.

35‘Ona pūpū loa lea o ona taliga, ‘ua matala fo‘i le noanoaga o lona laulaufaiva, ‘ona tautala lelei mai ai lea.

36‘Ona ia vavao atu lea fo‘i ‘iā te i latou, ‘aua latou te ta‘u atu i se tasi; ‘ae ui lava ‘ina vavao e ia ‘iā te i latou, ‘ua atili ai ‘ona latou tala‘i atu ai lava.