1O ia ona aso sa leai se tupu ‘iā Isaraelu, ‘ua āumau le tagata sa Levī i le itū o le mauga o Efaraima; sa fai avā o ia, o le palake fo‘i, mai Peteleema o Iuta.
6‘Ona la nonofo ai lea, ‘ua ‘a‘ai ma inu fa‘atasi i lā‘ua, auā na fai atu le tamā o le teine i le tagata, “‘Ia e loto mai ‘ona tatou momoe, ma e fa‘afiafia lou loto.”
7‘Ona tula‘i lea o le tagata e alu; ‘ona pulunaunau lea ‘iā te ia o le tamā o lana avā, ‘ona nofo ai lea, ‘ua toe moe ai.
8‘Ona vave ala lea o ia i le taeao o le aso lima, o le a alu; ‘ona fai mai lea le tamā o le teine, “‘Ia e fa‘amalosi lou loto;” ‘ona fa‘atuatuai lea o i lā‘ua, ‘ua o‘o i le fāliu o le la; sa la ‘a‘ai fa‘atasi.
9‘Ona tula‘i lea o le tagata, a latou ō ma lana palake ma lana ‘au‘auna; ‘ua fai mai ‘iā te ia le tamā o lana avā, o le tamā o le teine, “Fa‘auta ‘ea, o le a po lenei aso, o le a afiafi, se‘i tatou momoe; fa‘auta, ‘ua tali po, ‘inā moe ia ‘i‘inei, ma fa‘afiafia lou loto, a e usuusu ‘outou taeao i la ‘outou malaga, ma e alu i lou ‘āiga.”
10E lē mafai le tagata ‘ona latou momoe, ‘ua tula‘i ma savali; ‘ona o‘o atu lava lea e feagai ma Iepusē, (o Ierusalema fo‘i lea;) sa ‘iā te ia asini e lua ‘ua fa‘anofoaina, ‘ua ‘iā te ia fo‘i lana palake.
16Fa‘auta, o le toeaina ‘ua sau mai lana galuega i le vao i le afiafi, o ia fo‘i le tagata mai le mauga o Efaraima, sa āumau o ia i Kipea; a o tagata o le nu‘u o sa, Peniamina i latou.
17‘Ua tepa a‘e o ia, ‘ua na iloa le malaga i le malae o le ‘a‘ai. ‘Ona fai mai lea o le toeaina, “Po fea ‘e te alu i ai? maifea fo‘i na e sau ai?”
18‘Ua tali atu o ia ‘iā te ia, “Na matou ō mai i Peteleema o Iuta, o le a alu atu i le itū o le mauga o Efaraima, na ‘ou sau ai lea mea, na ‘ou alu i Peteleema o Iuta, a ‘ou te alu nei i le fale o le ALI‘I, ‘ua lē talia a‘u e se tasi i lona fale;
22Sa fa‘afiafia e i latou o latou loto, fa‘auta o tagata o le nu‘u, o tagata ulavavale ‘ua latou si‘omia le fale o lo‘o patu‘i i le puipui; ‘ua latou fai mai i le tagata e ona le fale, o le toeaina lea, o lo‘o fa‘apea mai, “Tu‘u mai ia le tagata na alu atu i lou fale, ‘ina ‘ia matou iloa o ia.”
23‘Ona alu atu lea ‘iā te i latou o le tagata e ona le fale, ‘ua fai atu ‘iā te i latou, “‘Aua, o‘u uso e, ‘aua lava ne‘i ‘outou agaleaga, ‘ina ‘ua ulu mai lenei tagata i lo‘u fale, ‘aua tou te faia lenei mea leaga;
24fa‘auta, o lo‘u afafine o le taupou, ‘atoa ma lana palake, se‘i ‘ou ‘aumaia i lā‘ua, tou te fa‘aleaga ‘iā i lā‘ua, ma ‘ia faia e ‘outou mea tou te loto i ai ‘iā i lā‘ua; a o lenei tagata, ‘aua tou te faia lenā mea leaga ‘iā te ia.”Kene 19.6-8; 34.2, 7; Teu 21.14; 22.21; Iosu 7.15; 2 Samu 13.12
25‘Ae lē mafafai tagata ‘ona fa‘alogo ‘iā te ia, ‘ona pu‘e atu lea e le tagata i lana palake, ‘ua na tu‘u atu ai o ia ‘iā te i latou i fafo; ‘ua latou iloa o ia, ma latou fa‘aleaga ‘iā te ia ‘ua ‘atoa lava le po; ‘ua o‘o i le taeao, ‘ona latou tu‘u atu lea ‘iā te ia e alu ‘ina a malama a‘e le taeao.
26‘Ona sau ai lea o le fafine i le vave ao, ‘ua pa‘ū i le faitoto‘a o le fale o le tagata sa i ai lona ali‘i, ‘ua o‘o i le malama a‘e o le taeao.
27‘Ua tula‘i lona ali‘i i le taeao, ma tatala puipui o le fale, ‘ua ulufafo atu o le a alu lana malaga; fa‘auta i le fafine, o lana palake, ‘ua pa‘ū i le faitoto‘a o le fale, ma ona lima ‘ua i le faitoto‘a.
28‘Ona fai mai lea o ia ‘iā te ia, “Tula‘i ia,” “‘inā tatou ō;” ‘ae leai se tali; ‘ona tago ai lea o ia ‘iā te ia, ma fa‘ae‘e i le asini, ‘ua tula‘i le tagata, ‘ua alu i lona nu‘u.
29‘Ona o‘o lea o ia i lona fale, ‘ua tago i le polo, ‘ona u‘u atu lea i lana palake, ‘ua pena ‘iā te ia ‘atoa ma ona ivi i tufa‘aga e sefulu ma le lua, ‘ona avatu ai lea i itū uma o Isaraelu.1 Samu 11.7
30O i latou uma ē na va‘ai i ai ‘ua fa‘apea, ane i latou, “E le‘i faia, e le‘i iloa fo‘i se mea fa‘apenā talu le aso na ō mai ai le fānauga a Isaraelu mai le nu‘u o Aikupito e o‘o i lenei aso; ‘‘Ia ‘outou mānatunatu i lenei mea, ‘ia ‘outou filifili, ma fai mai so ‘outou loto.’”
Who We AreWhat We EelieveWhat We Do
2025 by iamachristian.org,Inc All rights reserved.
