Ioane 17 - Revised Samoan Catholic Bible

O le Tatalo a Iesu i lona Tamā

1‘Ua fetalai atu ia mea e Iesu, ‘ona tepa a‘e lea o ona fofoga i le lagi, ‘ua fa‘apea atu, “Lo‘u Tama e, ‘ua o‘o mai le aso. Tu‘u mai ia le mamalu i lou Atali‘i, ‘ina ‘ia tu‘u atu fo‘i e lou Atali‘i le mamalu ‘iā te oe.

6“‘Ua ‘ou fa‘aali atu lou suafa i tagata na e foa‘i mai ‘iā te a‘u ai le lalolagi; sa fai i latou mou, ‘ua e foa‘iina mai fo‘i i latou ‘iā te a‘u, ‘ua latou tausia fo‘i lau afioga.

20“E lē fa‘apito la‘u tatalo mo i latou nei, a o i latou fo‘i e fa‘atuatua mai ‘iā te a‘u ‘ona o la latou ‘upu;

21‘ina ‘ia tasi i latou uma, fa‘apei o oe le Tamā o i totonu ‘iā te a‘u, o a‘u fo‘i o i totonu ‘iā te oe, ‘ina ‘ia tasi i latou i totonu ‘iā te i tā‘ua; ‘ina ‘ia talitonu le lalolagi ‘ua e ‘auina mai a‘u.

25“Le Tamā amiotonu e, e le‘i iloa oe e le lalolagi, a o a‘u, ‘ua ‘ou iloa oe, ‘ua iloa fo‘i e i latou nei, ‘ua e ‘auina mai a‘u.

26‘Ua ‘ou fa‘ailoa atu fo‘i lou suafa ‘iā te i latou, o le a ‘ou fa‘ailoa atu ai fo‘i; ‘ina ‘ia i totonu ‘iā te i latou le alofa ‘ua e alofa mai ai ‘iā te a‘u, o a‘u fo‘i i totonu ‘iā te i latou.”