1O le iva o tausaga o Setekaia le tupu o Iuta, o le sefulu o masina, na ō mai ai Nepukanesa le tupu o Papelonia ma lana itūtau‘a uma, i Ierusalema ma latou vagaia.
4‘Ua iloa i latou e Setekaia le tupu o Iuta ma ‘au uma, ‘ona latou sōsōla ai lea ma latou tu‘ua le ‘a‘ai i le po, ‘ua ui i le ala o le fanua o le tupu i le faitoto‘a i le vā o pā e lua; ‘ua alu atu fo‘i o ia i le ala i le ‘ele‘ele laugatasi.
5‘Ona tuliloa ai lea e le itūtau‘a a Kaletaia ‘iā te i latou, ‘ua latou maua atu ‘iā Setekaia i le ‘ele‘ele laugatasi o Ieriko; ‘ua latou pu‘e ‘iā te ia, ‘ona latou avatu ai lea o ia ‘iā Nepukanesa le tupu o Papelonia i Ripelu, i le nu‘u o Amato, ‘ona fa‘asala ai lea o ia ‘iā te ia.‘Ua Fa‘asa‘olotoina o Ieremia
11Na poloa‘i fo‘i Nepukanesa le tupu o Papelonia ‘iā Nepusatana lē pule i le ‘au e fa‘afeao ‘iā Ieremia, ‘ua fa‘apea atu,
12“‘Ia e ‘ave ‘iā te ia, ‘ia e tausi fo‘i ‘iā te ia, ‘aua ne‘i fai se mea leaga ‘iā te ia; ‘ae pei ‘ona fai mai o ia ‘iā te oe, ‘ia fa‘apea ‘ona e fai ‘iā te ia.”O le Talafiafia ‘iā Epetemeleka
15Na o‘o mai le afioga a le ALI‘I ‘iā Ieremia, ‘ina o puipuia o ia i le lotoā o le fale puipui, ‘ua fa‘apea mai:
16‘Inā alu ia ma e fai atu ‘iā Epetemeleka le Aitiope: ‘ia fa‘apea atu, O lo‘o fa‘apea ‘ona fetalai mai o le ALI‘I o ‘au, le Atua o Isaraelu, Fa‘auta, ‘ou te fa‘ao‘o a‘u ‘upu i lenei ‘a‘ai ‘ia malaia, ‘ae lē ‘ina ‘ia manuia; e o‘o fo‘i ia i ou luma i lea aso.
Who We AreWhat We EelieveWhat We Do
2025 by iamachristian.org,Inc All rights reserved.
