Fa‘ata‘oto Fa‘atomuaga - Revised Samoan Catholic Bible

Fa‘atomuagaO le tusi a Fa‘ata‘oto o le tu‘ufa‘atasiga o a‘oa‘oga o matā‘upu i mea lelei e tatau ‘ona ola ai ma a‘oa‘oga i matā‘upu fa‘alelotu. O lenei tusi ‘ua fa‘aaogāina ai o ‘upu o le gagana masani ma ‘alagā‘upu e fa‘ailoa mai ai o mea e tatau ‘ona ola ai i aso uma. ‘Ua tatalaina lava i le toe fa‘amanatu mai “O le mata‘u i le Ali‘i o le amataga lea o le poto.” (1.7) ‘Ona o‘o atu ai lea o le talanoaga i matā‘upu fa‘alefa‘atuatua ma fa‘asino ala i mea lelei e ao ‘ona olaina, le amio lelei ma le fa‘autauta. O fa‘a‘upuga pupu‘u ma le gagana taualoa e fa‘ailoa mai ai le tofāloloto ma le tofāmamao o faia‘oga o tagata Isaraelu anamua. O ne‘i a‘oa‘oga o ta‘iala i le tagata poto pe ‘āfai e feagai ai o ia ma fa‘afitauli ‘ese‘ese ‘atoa ma lona si‘osi‘omaga. O nisi o mea ‘ua fa‘atāuaina i lenei tusi o tima‘iga i le tausiga o le vā fealoaloa‘i ma isi tagata, o le amio lelei ma le loto pulea. E tele lava fo‘i ‘ina talanoa i le tāua o le loto maulalo, le ‘onosa‘i, le fa‘aaloalo i tagata matitiva ma le fa‘amaoni i uō.O le Fa‘asologa o Matā‘upu:‘Ua vi‘ia le Poto 1.1—9.18O fa‘ata‘oto a Solomona 10.1—29.27O ‘upu a Akuru 30.1-33O saunoaga ‘ese‘ese 31.1-31