Roma 4 - Revised Samoan Catholic Bible

Na Ta‘uamiotonuina Aperaamo i le Fa‘atuatua

1O lenei, pe se a sa tatou ‘upu i mea na maua i la le tino e lo tatou tamā o Aperaamo?

2Auā ‘ana ta‘uamiotonuina Aperaamo i galuega, po ‘ua ‘iā te ia se mea e mitamita ai; a ‘ua leai i luma o le Atua.

3Auā se a ‘ea ‘ua fai mai ai le Tusi? “Na fa‘atuatua Aperaamo i le Atua, ‘ona ta‘ua ai lea ‘iā te ia ē fai ma amiotonu.”

ma ‘ua ufitia a latou agasala.

8‘Amu‘ia le tagata e lē ta‘usalaina o ia e le Ali‘i.”

9O lenei, pe gata ‘ea i lē ‘ua peritomeina lenei fa‘a‘amu‘ia? E lē o‘o fo‘i ‘ea i lē ‘ua lē peritomeina? Auā ‘ua fa‘apea i tatou, “‘Ua ta‘ua le fa‘atuatua o Aperaamo o le amiotonu.”

10Pe na ta‘ua ‘ina ‘ua a? ‘Ina ‘ua peritomeina ‘ea o ia, pe le‘i peritomeina? E le‘i ta‘ua ‘ina ‘ua peritomeina, a ‘ua ta‘ua ‘ina ‘ua lē peritomeina.

11‘Ua na maua fo‘i le fa‘ailoga o le peritome, o le fa‘amaoni mai lea o le amiotonu i le fa‘atuatua a o le‘i peritomeina o ia; ‘ina ‘ia ‘avea o ia ma tamā o ē fa‘atuatua uma lava o ē lē peritomeina; ia ta‘uamiotonuina i latou fo‘i;