Salāmo 29 - Revised Samoan Catholic Bible

‘Ua Vi‘ia le mana o le AtuaO le salāmo a Tavita

1O ‘outou atali‘i o ē malolosi,

tu‘uina atu ia i le ALI‘I, le vi‘iga ma le malosi.

2Tu‘uina atu ia i le ALI‘I le vi‘iga o lona suafa;

‘inā ifo ia i le ALI‘I i le mea pa‘ia e matagofie.

3O lo‘o i luga o vai le si‘ufofoga o le ALI‘I;

o lo‘o faititili mai le Atua mamalu;

o le ALI‘I, o lo‘o i luga o vai e tele o ia.

4E malosi le si‘ufofoga o le ALI‘I;

e mamalu le si‘ufofoga o le ALI‘I.

5O lo‘o gauia arasi e le si‘ufofoga o le ALI‘I;

o lo‘o gauia e le ALI‘I o arasi o Lepanona.

6O ia e osooso ai i latou e pei o se tama‘i povi;

o Lepanona ma Siriona e osooso e pei o se tama‘i rema.

7O le si‘ufofoga o le ALI‘I e vaevae ai le mumū o le afi.

8O le si‘ufofoga o le ALI‘I e tetemū ai le vao;

o le ALI‘I e tetemū ai le vao o Katesa.

9O le si‘ufofoga o le ALI‘I ‘ua fa‘afānau ai ‘aila,

‘ua manunu ai fo‘i le vao matua;

o i totonu o lona malumalu fo‘i e ta‘itasi ma tautala i lona mamalu.

10Na ti‘eti‘e le ALI‘I i luga o le lolo;

e ti‘eti‘e lava le ALI‘I o le Tupu e fa‘avavau lava.

11E ‘aumaia e le ALI‘I le malosi i lona nu‘u;

e fa‘amanuia e le ALI‘I lona nu‘u i le filemū.