Fa‘amasino 10 - Revised Samoan Catholic Bible

O Tulaga

1‘Ua mavae Apimeleko ‘ona tu mai ai lea e fa‘aola ‘iā Isaraelu o Tulaga le atali‘i o Pua, le atali‘i lea o Toto, o le tagata o Isakara, sa mau o ia i Samira i le mauga o Efaraima,

2Na ia fa‘amasino ‘iā Isaraelu i tausaga e luafulu ma le tolu, ‘ona oti ai lea o ia, ‘ua tanumia i Samira.

O Iairo

3‘Ua mavae o ia ‘ona tu mai ai lea o Iairo le Kiliata; na ia fa‘amasino ‘iā Isaraelu i tausaga e luafulu ma le lua.

4Sa ‘iā te ia atali‘i e to‘atolugafulu, ē na ti‘eti‘e i asini e tolu sefulu; sa ‘iā i latou o ‘a‘ai e tolu sefulu, ‘ua igoa ai o Havota-iairo ‘ua o‘o mai i le aso nei, o lo‘o i le nu‘u o Kiliata.

11‘Ona fetalai mai lea o le ALI‘I i le fānauga a Isaraelu, “E lē o Aikupito ‘ea, ma sa Amorī, ma le fānauga a Amoni, ma Filisitia;

17‘Ua fa‘apotopotoina le fānauga a Amoni, ma latou tō lauapi i Kiliata; ‘ona fa‘apotopoto lea o le fānauga a Isaraelu, ‘ua tolauapi i latou i Mesepa.

18‘Ona fai ane lea o le nu‘u ma ali‘i o Kiliata o le tasi i le tasi, “O ai se tasi na te amata ‘ona tau ma le fānauga a Amoni? e fai o ia ma ali‘i sili i ē nonofo uma lava i Kiliata.”