1‘Ua fa‘apea mai fo‘i le ALI‘I ‘iā te a‘u: ‘Āfai ana tutū mai o Mose ma Samuelu i o‘u luma, ‘ou te lē loto lava i lenei nu‘u; ‘inā tutuli ia ‘iā te i latou i o‘u luma, ‘ia latou ō ‘ese.
O ē ‘ua tu‘u mo le oti
tu‘u ia i le oti;
o ē ‘ua tu‘u mo le pelu
tu‘u ia i le pelu;
o ē ‘ua tu‘u mo le oge
tu‘u ia i le oge;
ma ē ‘ua tu‘u mo le tāfeaga
tu‘u ia i le tāfeaga.
3‘Ou te tofia mea ‘ese‘ese e fa e o‘o ‘iā te i latou, o lo‘o fetalai mai ai le ALI‘I; o le pelu e fasi a‘i, ma ulī e fesaei a‘i ma manu felelei ma manu e tata‘a e ‘a‘ai ai ma fa‘aumatia ai i latou.
4‘Ou te tu‘uina atu i latou ‘ia fa‘aatuatuvaleina i mālō uma o le lalolagi, ‘ona o Manase le atali‘i o Esekia le tupu o Iuta, auā o mea na ia faia i Ierusalema.
5Auā Ierusalema e,
po o ai ‘ea sē alofa atu ‘iā te oe?
po o ai fo‘i se fa‘anoanoa ‘ona o oe?
po o ai fo‘i se afe ane
o ofo alofa ‘iā te oe?
6‘Ua e lafoa‘iina a‘u,
o lo‘o fetalai mai ai le ALI‘I,
‘ua e tu‘umuli i tua;
o lea ‘ou te fa‘aloaloa ai lo‘u lima i luga ‘iā te oe
ma ‘ou fa‘aumatia ai oe; ‘ua ‘ou lailoa i salamō.
7‘Ou te fa‘asaviligia i latou i le mea e fa‘asavili a‘i saito i faitoto‘a o le nu‘u,
e āufānaua i latou ‘iā te a‘u.
‘Ou te fa‘aumatia lo‘u nu‘u,
‘ina ‘ua latou le toe fo‘i mai i o latou ala.
8E to‘atele i o‘u luma o latou fafine ‘ua oti a latou tane,
e sili i le oneone o le sami;
‘Ou te ‘aumaia ‘iā te i latou e tau ma le tinā,
le taule‘ale‘a na te fa‘atafunaina i le tutonu o le la.
E fa‘afuase‘i ‘ona a‘u fa‘aosoina atu ‘iā te‘i latou
o le mata‘u ma le atuatuvale.
9‘Ua vaivai o ia lē na fānau mai ai le to‘afitu;
‘ua tō lana mānava.
‘Ua goto lona lā a o ao lava;
‘ua mā, ma māsiasi o ia.
O ē o totoe ‘iā te i latou
‘ou te tu‘uina atu i latou i le pelu i luma o ē ita mai ‘iā te i latou,
O lo‘o fetalai mai ai le ALI‘I.
O le Finau atu a Ieremia i le Ali‘i10‘Oi talofa ‘iā te a‘u, lo‘u tinā e, ‘ina ‘ua e fānaua mai a‘u o le tagata finau ma le tagata e tupu ai misa i le nu‘u uma. ‘Ua lē talia e a‘u le totogi fa‘asili, ‘ua ‘ou le avatu fo‘i le totogi fa‘asili ‘iā te i latou; a ‘ua fa‘afano mai i latou uma ‘iā te a‘u.
13O au mea e tamao‘āiga ai ma au ‘oloa ‘ou te tu‘uina atu ai e fai ma vete, e lē o le taui, ‘ae peita‘i ‘ona o au agasala uma i lou nu‘u uma.
14‘Ou te ta‘ita‘iina ē ‘ua ita ‘iā te oe i le nu‘u ‘ua e lē iloa; auā ‘ua tugia le afi i lo‘u ita, e mū ai i luga ‘iā te ‘outou.
15Le ALI‘I e, ‘ua e silafia e oe;
‘ia e manatua mai a‘u ma asiasi mai ‘iā te a‘u.
‘Ia e taui atu ‘ona o a‘u i ē ‘ua fa‘asauā mai ‘iā te a‘u;
o lou fa‘ato‘ato‘a ‘iā te i latou ‘aua le ‘ave‘eseina ai a‘u;
‘ia e silafia ‘ua ‘ou ‘onosa‘i i le fa‘alumaina ‘ona o oe.
16Na maua au afioga, ‘ona ‘ou ‘ai ai lea;
sa ‘iā te a‘u lau afioga e fai ma mea e ‘oli‘oli ai ma fiafia ai lo‘u loto;
auā ‘ua ta‘ua a‘u i lou suafa,
le ALI‘I e, le Atua o ‘au.
17‘Ou te le‘i nofo i le fa‘apotopotoga o ē tauemu ma ‘ou le fiafia i ai;
‘ua ‘ou nofo to‘atasi ‘ona o lou ‘a‘ao;
auā ‘ua e fa‘atumuina a‘u i le ita.
18Se a le mea e tumau ai pea lo‘u tigā
ma lo‘u manu‘a ‘ua leaga lava,
e lē mafai ‘ona fa‘amamafuina?
‘Ua ‘avea lava oe ‘iā te a‘u
e peiseaī ‘ua pepelo, o le vai ‘ua pē.
19O le mea lea ‘ua fa‘apea ‘ona fetalai mai ai o le ALI‘I:
‘Āfai ‘e te toe fo‘i mai,
‘ona ‘ou toe fa‘afoisia mai lea o oe, ‘e te tu i o‘u luma;
‘āfai fo‘i ‘e te fa‘ate‘a‘eseina le lelei i le leaga,
e ‘avea oe e pei o lo‘u gutu;
e toe fo‘i mai i latou ‘iā te oe,
a o oe ‘e te lē toe fo‘i atu ‘iā te i latou.
20‘Ou te fai fo‘i oe ma pā ‘apamemea malosi i lenei nu‘u;
latou te si‘i mai le tau‘a ‘iā te oe,
‘ae latou te lē manumālō ‘iā te oe;
auā o a‘u nei,
‘ou te ‘iā te oe e fa‘aola ‘iā te oe ma lavea‘i ‘iā te oe,
o lo‘o fetalai mai ai le ALI‘I.
21‘Ou te lavea‘i ‘iā te oe a‘i lima o ē amio leaga
ma ‘ou fa‘aolaina oe a‘i lima o ē sauā.
Who We AreWhat We EelieveWhat We Do
2025 by iamachristian.org,Inc All rights reserved.
