Teuteronome 21 - Revised Samoan Catholic Bible

O Tulafono ‘Ese‘ese

1A fai e maua se tagata ‘ua fasiotia i le lau‘ele‘ele ‘ua foa‘iina mai e le ALI‘I lou Atua ‘iā te oe e fai mou o lo‘o ta‘atia i le vao, ‘ae lē iloa po o ai na na fasi ‘iā te ia;

2‘ia ō atu ou toeaina ma ou fa‘amasino, ma ‘ia latou fuatia atu o vā o lē ‘ua fasiotia ma ‘a‘ai e vagavagai;

3o le ‘a‘ai fo‘i e lata i lē ‘ua fasiotia ‘ia ‘ave e toeaina o lea ‘a‘ai se povi fafine, ‘ua na lē fai se galuega, ‘ua na lē toso i le amo;Tulafono o le Ulumatua

15‘Āfai e to‘alua avā a se tasi tagata, ‘ua fiafia ia i le tasi, ‘ae ‘ino‘ino i le tasi, ma ‘ua la fānanau ‘iā te ia o a la tama tane, o lē ‘ua ia fiafia i ai ma lē ‘ua ‘inosia; ‘āfai fo‘i e lua‘i fānau mai le tama a lē ‘ua ‘inosia;

16a o‘o i le aso na te tofia ai ana mea i ona atali‘i, e lē mafai ‘ona ‘avea ma ulumatua le tama a lē ‘ua ia fiafia i ai, ‘ae tu‘ua le tama a lē ‘ua ‘inosia, auā o le ulumatua ia;O Tulafono ‘Ese‘ese

22‘Āfai fo‘i o se tagata ‘ua na fai se agasala e tatau ‘ona oti ai o ia, a o‘o ‘iā te ia le oti, ‘ua e fa‘atautau fo‘i ‘iā te ia i se la‘au;

23‘aua ne‘i aoina lona tino i le la‘au, a ‘ia e tanu lava ‘iā te ia i lea aso; (auā ‘ua fa‘afanoina e le Atua lē ‘ua fa‘atautauina;) ‘ina ne‘i leaga ai lou lau‘ele‘ele ‘ua foa‘iina mai e le ALI‘I lou Atua ‘iā te oe e fai mou tofi.