Esther Greek 9 - Revised Samoan Catholic Bible

O le Fasiotia e sa Iutā a ē na ita ‘iā te i Latou ma le Tausamiga o Puro

1O le masina e sefulu ma le lua, o le masina lea o Atara o lona aso e sefulu ma le tolu, a o‘o ‘ina taunu‘u ai le poloa‘iga a le tupu ma lana tulafono, o le aso na fa‘amoemoe ai o ē na ita i sa Iutā latou te manumālō ai ‘iā te i latou, (a ‘ua liua ma ‘ua manumālō ai sa Iutā i ē na ‘ino‘ino ‘iā te i latou;)

11O lenā aso na avatua ai i le tupu le faitau aofa‘i o ē na fasiotia i Susana le maota.

12‘Ona fai atu lea o le tupu i le masiofo o Eseta, “‘Ua fasiotia, ma fa‘aumatia e sa Iutā i Susana le maota o tagata e lima selau, ‘atoa ma atali‘i o Hamanu e to‘asefulu; se a se mea ‘ua latou faia i isi itū mālō uma o le tupu? O lenei, se a se mea ‘e te toe ole mai ai? O avatua ‘iā te oe; se a fo‘i se mea ‘e te toe fa‘atoga mai i ai? e faia lava.”

13‘Ona tali mai lea o Eseta, “‘Āfai e lelei i le tupu, ‘ia tu‘uina fo‘i taeao i sa Iutā o ē i Susana ‘ona ia faia e pei o le tulafono i le asō, ma ‘ia latou fa‘atautauina i le la‘au atali‘i o Hamanu o to‘atinoagafulu.”