Esera Fa‘atomuaga - Revised Samoan Catholic Bible

Fa‘atomuagaO le Tusi a Esera, o fa‘amatalaga o le toe fo‘i mai o nisi o tagata Iutaia lea sa fa‘atāfea i Papelonia ma le toe fa‘afouga o le olaga ma tapua‘iga i totonu o Ierusalema. O le fa‘asologa o nisi o mea sa tutupu i lea vaitaimi o lo‘o ta‘ua i le tusi a Esera: (1) O le vaega muamua o tagata Iutaia lea sa ‘ave fa‘atagataotau‘aina, ‘ua toe fo‘i mai, mai Papelonia i le fa‘atonuga a le tupu o Kuresa o le mālō tele o Peresia; (2) O le toe fausia o le Malumalu ma lona fa‘apa‘iaga ma le tausisia o tapua‘iga i le Atua i totonu o Ierusalema; (3) I tausaga mulimuli ane, o se tasi o vaega o tagata Iutaia ‘ua fo‘i mai i Ierusalema i lalo o le ta‘ita‘iga a Esera.O Esera o se tasi sa ‘auai i le tāfeaga i Papelonia ma e i ai le talitonuga o ia o le ositaulaga, o le tusi‘upu (7.1-10) i se vaitaimi po o le 465-425 T.L.M, i le fitu o tausaga o le nofoa‘iga o le tupu o Aretaseta o Peresia (7.7). Sa ‘iā te ia se tomai fa‘apitoa i Tulafono a le Atua ma sa ‘avea lea o se fesoasoani tele i tagata Iutaia i le toe fa‘atulagaga o le olaga o tagata ma sauniga lotu ma tapua‘iga. O taumafaiga a Esera ‘ia malu puipuia le olaga fa‘aleagaga o Isaraelu e pei ona tu‘usolo mai anamua e o latou tua‘ā.O le Fa‘asologa o Matā‘upu:O le fo‘i mai o le vaega muamua o tagata mai Papelonia 1.1—2.70O le toe fausia o le Malumalu ma le toe fa‘apa‘iaga 3.1—6.22O le fo‘i mai o Esera ma le isi vaega o tagata sa fa‘aaunu‘ua 7.1—10.44