Esera 9 - Revised Samoan Catholic Bible

O le Feavaga a‘i o Tagata o Isaraelu ma Nu‘u ‘Ese

1‘Ua uma nei mea, ‘ona ō mai lea ‘iā te a‘u o ali‘i, ‘ua fa‘apea mai, “O le nu‘u o Isaraelu ma le ‘au ositaulaga ma sa Levī, ‘ua latou lē vavaeina i latou a‘i tagata o nu‘u ‘ese, a o lo‘o fai e tusa ma a latou mea e ‘inosia, o sa Kananā, o sa Hetī, o sa Perisē, o sa Iepusē, o sa Amonī, o sa Moapī, o tagata Aikupito ma sa Amorī.O le Tatalo a Esera

5‘Ua o‘o i le taulaga o le afiafi, ‘ona ‘ou tula‘i lea ai lo‘u tigā, ‘ua saeia lo‘u ‘ofu, ma lo‘u ‘ofu talaloa, ma ‘ua ‘ou to‘otuli i o‘u tulivae, ma fa‘aloaloa atu o‘u lima i le ALI‘I lo‘u Atua,

6ma ‘ou fa‘apea atu,

“Lo‘u Atua e, ‘ua ‘ou mā, ma ‘ou māsiasi i tepa a‘e o‘u mata ‘iā te oe, lo‘u Atua e; auā ‘ua tele lo matou leaga ‘ua o‘o i luga o matou ulu, ma ‘ua tupu tele la matou agasala ‘ua o‘o lava i le lagi.