2 Korinito 1 - Revised Samoan Catholic Bible

O ‘Upu Fa‘afeiloa‘i

1O a‘u o Paulo, o le ‘aposetolo a Iesu Keriso i le finagalo o le Atua, ma lo tatou uso o Timoteo.

I le ekalesia a le Atua o i Korinito, ‘atoa ma le ‘au pa‘ia uma o i Akaia uma lava.O le Fa‘afetai a Paulo i le Atua

3‘Ia fa‘amanūina le Atua, o le Tamā o lo tatou Ali‘i o Iesu Keriso, o le Tamā e ona le alofa mutimutivale, o le Atua fo‘i e ana le fa‘amafanafanaga uma.

15O lo‘u mautinoa fo‘i i lenei mea, sa ‘ou manatu ai ‘ou te mua‘i alu atu ‘iā te ‘outou, ‘ina ‘ia ‘outou maua fa‘alua se alofa;

16‘ou te ui atu ai ‘iā te ‘outou i Maketonia, ‘ou te toe sau fo‘i ‘iā te ‘outou mai Maketonia, ‘ona molia ai lea o a‘u e ‘outou i Iutaia.

23‘Ou te augani fo‘i, ‘ia sisila mai le Atua i lo‘u nei loto, o lo‘u fa‘apelepele ‘iā te ‘outou, na lē o‘o ai la‘u malaga i Korinito.