Amosa 8 - Revised Samoan Catholic Bible

‘Ua Latalata le Malaia o Isaraelu

1‘Ua fa‘apea ‘ona fa‘aalia mai ‘iā te a‘u e le Ali‘i le ATUA; fa‘auta mai, o le ‘ato fua otatā.

2‘Ona fa‘apea mai lea o ia, “Amosa e, pe se ā ‘ea se mea ‘ua e iloa?”

I le ‘ua ‘ou tali atu, “O le ‘ato fua otatā.”

‘Ona fa‘apea mai ai lea o le ALI‘I, ‘iā te a‘u, “‘Ua o‘o mai le i‘uga i lo‘u nu‘u o Isaraelu, ‘ou te lē toe sopo‘ia lava.O le Malaia o Isaraelu

4‘Ia ‘outou fa‘alogologo i lenei mea, o ‘outou o ē fa‘asauā i ē matitiva, ‘ina ‘ia fa‘aumatia lava le ‘au matitiva o le nu‘u.

5O lo‘o fa‘apea mai, “Pe mavae atu afea le masina fa‘ato‘ā va‘aia ‘ia tatou fa‘atau ai saito? pe mavae afea fo‘i le sapati ‘ia tatou tatalaina atu ai saito? O lo‘o fa‘aitiitiina fo‘i le efa ma fa‘ateleina le sekeli, o lo‘o fai fua fa‘alētatau e pepelo ai.

11O lo‘o fa‘apea mai le Ali‘i le ATUA: Fa‘auta, e o‘o mai aso ‘ou te tu‘uina atu ai le oge i le nu‘u; e lē se oge i mea e ‘ai po o se gālala i le fiainu vai, a o le oge i le fa‘alogologo i afioga a le ALI‘I.