Esekielu 44 - Revised Samoan Catholic Bible

‘Ua A‘oa‘iina o sa Levī o Mea Faia e i Latou

1‘Ona ia toe fa‘afo‘i mai lea ‘iā te a‘u i le ala o le faitoto‘a o le mea pa‘ia aupito i tua, e fa‘asaga i sasa‘e; a ‘ua punitia ia.O Tulafono o le Ulufale i le Malumalu

4‘Ua ia ‘aumai fo‘i ‘iā te a‘u i le ala o le faitoto‘a i le itū i matū i lumāfale; ‘ona ‘ou va‘ai lea, fa‘auta fo‘i, ‘ua tumu le fale o le ALI‘I i le pupula o le ALI‘I, ‘ona ‘ou fa‘apa‘ū faō ai lea.

5‘Ona fetalai mai lea o le ALI‘I ‘iā te a‘u: Le atali‘i e o le tagata, ‘ia e tu‘u i lou loto ma ‘ia va‘ava‘ai ou mata, ‘ia fa‘alogologo fo‘i ou taliga i mea uma ‘ou te fai atu ai ‘iā te oe i sauniga uma o le fale o le ALI‘I ma ana tulafono uma; ‘ia e mānatunatu i mea e ulufale mai ai i le fale, ‘atoa ma mea e ulufafo ai i le malumalu.

6‘E te fai atu fo‘i i ē fouvale, o le ‘āiga lea o Isaraelu, ‘Ua fa‘apea ‘ona fetalai mai o le Ali‘i le ATUA: Le ‘āiga o Isaraelu e, sōia, ‘inā tu‘u ia a ‘outou mea e ‘inosia uma,

7‘ona ‘ua ‘outou ‘aumaia o tagata ‘ese, o ē le peritomeina loto, e le peritomeina fo‘i tino, ‘ia i ai i lo‘u malumalu, ‘ia fa‘aleagaina ai lo‘u lava fale, ‘ina ‘ua ‘outou ‘aumaia o a‘u mea e ‘ai, o le ga‘o ma le toto, ‘ua ‘outou solia fo‘i la‘u feagaiga ‘iā ‘outou mea uma e ‘inosia.

9‘Ua fa‘apea ‘ona fetalai mai o le Ali‘i le ATUA: E le ulufale mai i lo‘u malumalu se tagata ‘ese, e le peritomeina le loto, e le peritomeina fo‘i le tino, o tagata ‘ese uma, o ē o i ai i le fānauga a Isaraelu.

O sa Levī

10O sa Levī fo‘i o ē ‘ua ō mamao ‘iā te a‘u ‘ina ‘ua ō ‘ese o Isaraelu, o i latou na ō ‘ese ‘iā te a‘u e mulimuli atu ‘iā latou tupua; e o‘o lava ‘iā te i latou le taui o a latou agasala.O Ositaulaga

15A o le ‘au ositaulaga o sa Levī, o le fānauga a Satoka, o ē na ‘ana‘ana i le tausiga o lo‘u malumalu, ‘ina ‘ua ō ‘ese le fānauga a Isaraelu ‘iā te a‘u, latou te fa‘alatalata mai ‘iā te a‘u e ‘au‘auna ‘iā te a‘u, e tutū fo‘i i latou i o‘u luma e ‘aumai ai ‘iā te a‘u le ga‘o ma le toto, o lo‘o o fetalai mai ai le Ali‘i le ATUA.

20Latou te lē tafi fo‘i o latou ulu, o le tu‘u fo‘i o latou fuafuati lauulu ‘ia numi, latou te sele o latou lauulu. ‘ae latou te fai avā i taupou o le fānau a le ‘āiga o Isaraelu, po o se fafine ‘ua oti lana tane sa nofo i se ositaulaga.

23Latou te a‘oa‘o fo‘i i lo‘u nu‘u ‘ia masino mea pa‘ia ma mea e le pa‘ia, ‘ina ‘ia latou iloa le mea e le mamā ma le mea e mamā.