Ieremia 19 - Revised Samoan Catholic Bible

O le Fa‘atusa i le Fagu ‘Omea ‘ua Ta‘eia

1‘Ua fa‘apea ‘ona fetalai mai o le ALI‘I: Alu ia, ‘ia e sā‘ili se fagu ‘omea a le fai ipu ‘omea, tou te ō fo‘i ma nisi toeaina o le nu‘u ma nisi toeaina o le ‘au ositaulaga;

10‘Ona e nutilili‘i ai lea o le fagu i luma o tagata latou te ō ma oe,

11ma e fai atu ‘iā te i latou: O lo‘o fa‘apea ‘ona fetalai mai o le ALI‘I o ‘au, E fa‘apea lava ‘ona ‘ou nutilili‘i i lenei nu‘u ma lenei ‘a‘ai, e pei ‘ona nutilili‘i e se tasi le ipu a le fai ipu ‘omea, e lē mafai ‘ona toe faia; e tanumia fo‘i i latou i Tofeta se‘ia le toe i ai se mea e tanu ai.

12E fa‘apea ‘ona ‘ou faia i lenei nu‘u ma ē o nonofo ai, o lo‘o fetalai mai ai le ALI‘I ma ‘ou faia lenei ‘a‘ai ‘ia pei o Tofeta;

14‘Ona sau ai lea o Ieremia mai Tofeta na ‘auina atu ai o ia e le ALI‘I e vavalo ai; na tu o ia i le lotoā o le fale o le ALI‘I, ma ‘ua fai atu i le nu‘u uma.2 No 20.5; Iere 26.2

15‘Ua fa‘apea ‘ona fetalai mai o le ALI‘I o ‘au, le Atua o Isaraelu: Fa‘auta, ‘ou te fa‘ao‘o mai i lenei ‘a‘ai ma ona faoa ‘a‘ai uma le malaia uma na ‘ou fai atu ai; auā ‘ua latou fa‘ama‘a‘a o latou ua, ‘ina ‘ia latou le fa‘alogologo ai i a‘u ‘upu.