Salāmo 129 - Revised Samoan Catholic Bible

O le Agaleaga mai o ē Fa‘asauā ma lo Latou MalaiaO le pese ma ē ō a‘e

1“‘Ua tele lo latou fa‘asauā mai ‘iā te a‘u talu lo‘u taule‘ale‘a,”

‘ia fa‘apea ane lava Isaraelu.

2“‘Ua tele lo latou fa‘asauā mai ‘iā te a‘u talu lo‘u taule‘ale‘a;

a ‘ua latou le manumālō mai ‘iā te a‘u.

3O ē suatia le ‘ele‘ele ‘ua latou suatia lo‘u tua,

‘ua latou fa‘au‘umi ‘iā latou suataga.”

4E amiotonu le ALI‘I,

‘ua na sala i maea a ē amio leaga.

5E mamā ma liutuaina i latou uma lava

o ē ‘ino‘ino i Siona.

6E ‘avea i latou pei o le mutia i luga o fale,

e magumagu ‘ae lē velea.

7E lē tumu ai le lima o lē selesele,

po o le fatafata o lē na te fusi saito.

8E lē fai atu fo‘i o ē ui ane ai,

“‘Ia manuia ‘outou mai i le ALI‘I;

matou te fa‘amanuia ‘iā te ‘outou i le suafa o le ALI‘I.”