Ioane 2 - Revised Samoan Catholic Bible

‘Ua Liliu e Iesu le Vai e Fai ma Uaina

1‘Ua o‘o i le aso tolu, ‘ona fai ai lea o le tausama‘aga i Kana i Kalilaia; sa i ai fo‘i le tinā o Iesu.

2Na vala‘aulia fo‘i Iesu ma ona so‘o i le tausama‘aga.

3‘Ua uma fo‘i le uaina, ‘ona fai atu lea o le tinā o Iesu ‘iā te ia, “‘Ua leai sa latou uaina.”

4‘Ua fetalai mai Iesu ‘iā te ia, “Funa e, se a ‘ea se mea ‘ua e mana‘o mai ai ‘iā te a‘u? E le‘i o‘o i lo‘u itū aso.”

5‘Ua fai ane lona tinā i ‘au‘auna, “O se mea lava e fai mai ai o ia ‘iā te ‘outou, ‘ia ‘outou faia.”

6Sa i ai vai ma‘a tetele e ono, e ta‘iluasefulu po ta‘itolusefulu kalone, pei o le tu o le fa‘amamāina o Iutaia.

12Mulimuli ane ‘ua maliu ifo ai i Kapanaumi, o ia ma lona tinā ma ona uso, ma ona so‘o; ‘ae le‘i nonofo ai i ni aso e tele.‘Ua Maliu atu Iesu i le Malumalu(Mata 21.12-13; Mare 11.15-17; Luka 19.45-46)

13‘Ua lata mai fo‘i le paseka a Iutaia; ‘ona maliu a‘e lea o Iesu i Ierusalema.

18‘Ona fai mai ai lea o tagata Iutaia, ‘ua fa‘apea mai ‘iā te ia, “Se a se fa‘ailoga ‘e te fa‘aali mai ‘iā te i matou, ‘ina ‘ua e faia nei mea?”

19‘Ua tali atu Iesu, ‘ua fa‘apea atu ‘iā te i latou, “‘Inā lepeti ia o lenei malumalu, ‘ona ‘ou toe faia lea i aso e tolu.”

20‘Ona fai mai lea o Iutaia, “E fasefulu ma le ono o tausaga o fai lenei malumalu, pe ‘e te toe faia fo‘i e oe i aso e tolu?”

21A o lona tino, o le malumalu lea na ia fetalai mai ai.