Iopu 2 - Revised Samoan Catholic Bible

O le Tala i ma‘i e tele o Iopu

1‘Ua o‘o i le tasi aso, ‘ona ō mai ai lea o atali‘i o le Atua e tutū mai i luma o le ALI‘I, na sau fo‘i Satani fa‘atasi ma i latou e tu mai i luma o le ALI‘I.

4‘Ona tali mai ai lea o Satani i le ALI‘I, ‘ua fa‘apea mai, “O le pa‘u e sui a‘i le pa‘u; o mea uma fo‘i ‘ua i ai i le tagata, e avatua e ia e sui a‘i lona ola.

5‘Ae peita‘i ‘ia e ‘a‘apa atu lou ‘a‘ao ma e tago atu i ona ivi ma ona ‘a‘ano, pe na te lē fāifai ai ‘ea ‘iā te oe i ou lava luma?”

6‘Ona fetalai atu lea o le ALI‘I ‘iā Satani, “Fa‘auta, o ia o i lou lima, tau o lona ola ‘e te fa‘asaoina.”

7‘Ona alu ‘ese ai lea o Satani i luma o le ALI‘I ma na fa‘ao‘o ‘iā Iopu le ma‘i papala leaga, e gata a‘e i ona alofivae, e gata ifo i lona tumua‘i.

10‘Ona fai atu ai lea o ia ‘iā te ia, “‘Ua e tautala mai, e pei ‘ona tautala mai o se tasi o le vao fafine valea; ‘ua tatou talia mea lelei mai le Atua, ‘ae tatou te lē talia ‘ea ma mea leaga?” ‘Ua lē agasala Iopu i nei mea uma i ona laugutu.

O uō a Iopu

11‘Ua fa‘alogo uō e to‘atolu a Iopu i nei mea leaga uma ‘ua o‘o atu ‘iā te ia, ‘ona latou ō mai ai lea e ta‘ito‘atasi mai lona nu‘u, o Elifasa le Timanu, o Pilitati le Sua ma Sofara le Naama; ‘ua latou filifili ‘ua loto gatasi e ō mai e fa‘amafanafana ‘iā te ia ma fa‘amatalaloto atu ‘iā te ia.