1‘Ua o‘o ‘ina toeaina o Samuelu, ‘ona tofia ai lea e ia o ona atali‘i e fai ma fa‘amasino ‘iā Isaraelu.
2O le igoa o lona atali‘i ulumatua o Ioelu, a o le igoa o lē aupito ane i ai o Avia; ‘ua fai i lā‘ua ma fa‘amasino i Peresepa.
3A ‘ua lē sāvavali ona atali‘i i lona ala, ‘ua la ō ‘ese ai i le fia fai ‘oloa, ‘ua tali fo‘i i mea alofa ma fa‘api‘opi‘o i le fa‘amasinoga.
4‘Ona fa‘apotopoto ai lea o toeaina uma lava o Isaraelu, ‘ua latou ō atu ‘iā Samuelu i Rama.
5‘Ua latou fai mai fo‘i ‘iā te ia, “Fa‘auta, ‘ua e toeaina oe, o ou atali‘i fo‘i la te lē sāvavali i lou ala; o lenei, ‘ia e tofia se tupu mo i matou e fa‘amasino ‘iā te i matou, pei o nu‘u uma.”
10‘Ona ta‘u atu lea e Samuelu o ‘upu uma a le ALI‘I i le nu‘u na fa‘atoga mai ‘iā te ia i se tupu;
11‘ua fai atu, “O lenei le amioga a le tupu o le a pule ‘iā te ‘outou; o ‘outou atali‘i e ‘avea i latou e ia e fai mōna i ona kariota, e fai fo‘i māna ‘au e ti‘eti‘e i solofanua; latou te taufetuli fo‘i i luma o ona kariota. ‘atoa fo‘i ma ‘outou asini, e ‘ave e ia e fai a‘i lana galuega.
17E ‘ave mea e sefulua‘i a ‘outou mamoe; o ‘outou fo‘i, e fai ‘outou ma ana ‘au‘auna.
18E ‘alalaga ‘outou i lea aso ‘ona o lo ‘outou tupu na ‘outou filifilia mo ‘outou, ‘ae lē fa‘afofoga mai le ALI‘I ‘iā te ‘outou i lea aso.”
19‘Ae lē mafafai le nu‘u ‘ona fa‘alogo i le ‘upu a Samuelu, ‘ua latou fai mai, “E leai lava, ‘ae fai lava so matou tupu;
20‘ia pei o nu‘u uma i matou, ‘ia fa‘amasino mai lo matou tupu ‘iā te i matou; ‘ia alu atu fo‘i o ia i o matou luma, ma ‘ia tau i o matou tau‘a.”
Who We AreWhat We EelieveWhat We Do
2025 by iamachristian.org,Inc All rights reserved.
