Esoto 35 - Revised Samoan Catholic Bible

O Poloa‘iga i le Sapati

1‘Ona fa‘apotopotoga mai lea e Mose a Isaraelu, ‘ua fai atu ‘iā te i latou: O mea nei ‘ua poloa‘i mai ai le ALI‘I ‘ia faia.

2E ono aso e fai ai galuega, a o le aso fitu e pa‘ia lea ‘iā te ‘outou, o le sapati e mālōlō ai i le ALI‘I; ai se fai galuega ai e fasiotia lava ia. o le Atua i le poto, ma le fa‘autauta, ma le iloa lelei, e fai ai galuega uma lava;

32‘ina ‘ia mafaufau o ia i galuega faigatā, e galue o ia i le auro, ma le ario, ma le ‘apamemea;

33e togitogi fo‘i i ma‘a e fa‘amau ai, e togitogi fo‘i i la‘au, e fai ai galuega faigatā uma lava.

34‘Ua ia tu‘uina i lona loto ‘ia mafai ‘ona a‘oa‘o atu, o ia ‘atoa ma Aliavu, o le atali‘i o Aisamako, o le itū‘āiga o Tanu.

35‘Ua na fa‘atumuina fo‘i i lā‘ua i le poto e fai galuega uma a le tufuga togitogi mea, ma le galuega a le tufuga poto, ma lē lalaga ‘ie lanu ‘ese‘ese, o le ‘ie uli, ma le pāuli, ma le mūmū ma le ‘ie vavae, ‘atoa ma ē lalaga mea, ma matagaluega ‘ese‘ese ma galuega a e mafaufau i galuega faigatā.