Levitiko 1 - Revised Samoan Catholic Bible

O Sauniga o Taulaga Mū

1‘Ua vala‘au mai le ALI‘I ‘iā Mose, ‘ua fetalai mai ‘iā te ia, ai le fale fetāfa‘i o le fa‘apotopotoga, ‘ua fa‘apea mai:

2Na fai atu ia i le fānauga a Isaraelu, ‘ia fa‘apea atu ‘iā i latou: ‘Ai so ‘outou na te ‘aumai se taulaga i le ALI‘I, ‘ia ‘outou ‘aumaia la ‘outou taulaga i manu vaefā, o povi, po o mamoe.

3‘Āfai o se taulaga mū ai le lafu povi lana taulaga, ‘inā fai taulaga ia i se manu po‘a e sao ‘ona lelei; na te ‘aumaia i le faitoto‘a o le fale fetāfa‘i o le fa‘apotopotoga ‘ina ‘ia talia o ia i luma o le ALI‘I.

10‘Ae ‘āfai na te faia sana taulaga a‘i le lafu, po o se mamoe, po o se ‘oti, e fai ma taulaga mū, na te ‘aumai ai se po‘a e sao ‘ona lelei.

11Na te fasi ai fo‘i i le itū i matū o le fatafaitaulaga i luma o le ALI‘I; o ositaulaga fo‘i, o atali‘i o Arona, latou te sausau ai lona toto ‘ia so‘o ai i luga o le fatafaitaulaga.

12Na te penaina ona tufa‘aga, ‘atoa ma lona ulu, ma ona ga‘o, e teuteu e le ositaulaga i luga o fafie ‘ua i luga o le afi, ‘ua i luga o le fatafaitaulaga.

13A o tōtōga ma ālaga na te mulumuluina i le vai; e ‘aumai mea uma e le ositaulaga, ‘ona susunuina ai lea e le ositaulaga i luga o le fatafaitaulaga, o le taulaga mū lea, o le taulaga e fai i le afi, o le mea manogi lelei i le ALI‘I.

14‘Ae ‘āfai na te faia se taulaga mū i le ALI‘I i se manulele, ‘ona ‘aumai ai lea e ia o lana taulaga i manutagi, po o tama‘i lupe.