Sakaria 8 - Revised Samoan Catholic Bible

O le Toe Manuia o Ierusalema

1‘Ua o‘o mai fo‘i le afioga a le ALI‘I o ‘au, o lo‘o fa‘apea mai:

2O lo‘o fa‘apea ‘ona fetalai mai o le ALI‘I o ‘au, Na ‘ou mā‘elegā ‘iā Siona ma le mā‘elegā tele; na ‘ou mā‘elegā fo‘i ‘iā te ia ma le ita tele.

3O lo‘o fa‘apea ‘ona fetalai mai o le ALI‘I, ‘Ua ‘ou fo‘i atu i Siona, ‘ou te mau fo‘i i totonu o Ierusalema; e igoa Ierusalema, O le ‘a‘ai e fa‘amaoni; o le mauga fo‘i o le ALI‘I o ‘au, e igoa lea, o le mauga pa‘ia.

9O lo‘o fa‘apea ‘ona fetalai mai o le ALI‘I o ‘au: ‘Ia malolosi o ‘outou lima o ē fa‘alogologo mai i nei ona po i ‘upu nei i fofoga o perofeta, ē na i ai i ona aso na fa‘avaeina ai le fale o le ALI‘I o ‘au, o le malumalu, ‘ina ‘ia faia;

20O lo‘o fa‘apea ‘ona fetalai mai o le ALI‘I o ‘au: E toe ō mai nu‘u ma tagata o ‘a‘ai e tele;

21e ō atu tagata o le tasi ‘a‘ai i le tasi ‘a‘ai, o lo‘o fa‘apea, “Ō mai ia, ‘inā tatou ō e fa‘alaulelei i le finagalo o le ALI‘I ma sā‘ili ia i le ALI‘I o ‘au; ‘ou te alu fo‘i a‘u.”