1E! ‘Ana fai oe mo‘u tuagane,
ana e susu i susu o lo‘u tinā.
‘Ona tā feasogi ai lea ma oe,
pe a ‘ou iloa oe i fafo,
‘ae latou te lē ‘inosia ai a‘u.
2‘Ona ‘ou ta‘ita‘i ai lea ‘iā te oe,
ma ‘ou ‘aumaia oe i le fale o lo‘u tinā,
‘e te a‘oa‘o mai ‘iā te a‘u.
‘Ou te avatu ‘iā te oe le uaina manogi
ma le sua o la‘u rimoni ‘e te inu ai.
3‘Ua i lalo o lo‘u ulu lona lima tauagavale,
‘ua fusi mai fo‘i ‘iā te a‘u lona lima taumatau.
4Tama fafine e Ierusalema e,
‘ou te fai atu ‘iā te ‘outou,
‘ia tautō mai,
tou te lē tātātuli pe fafagu i la‘u pele,
se‘ia faitalia lava o ia.
O le Ono o PeseO Fafine5O ai ‘ea lenā, o lo‘o alu a‘e mai le vao,
o lo‘o fa‘alagolago i lona manamea?
Tama‘ita‘iNa ‘ou fafagu ‘iā te oe i lalo o le moli;
na ‘o‘ono ai lou tinā ‘iā te oe i lea mea;
na ia ‘o‘ono ai ma fānau mai ai e ia o oe i lea mea.
6‘Ia tu‘uina a‘u i lou loto e fa‘apei o se fa‘amaufa‘ailoga,
e fa‘apei o se fa‘amaufa‘ailoga i lou lima.
Auā ‘ua malosi le alofa e pei o le oti;
‘ua fa‘auluulumamau le tu‘inanau e fa‘apei o le tu‘ugamau;
o lona mumū, o le mumū lea o le afi mū saesae.
7E lē mafaia i vai e tele ‘ona tineia le alofa,
e lē mafai ‘ona lofia i vaitafe.
A avatu e se tagata le ‘oloa uma o i lona fale ‘ia alofaina o ia
e ta‘ufa‘atauva‘aina lava.
O Tuagane a le Tama‘ita‘i.8O lo‘o i ai lo tatou tuafafine la‘ititi ma e le‘i popoga ona susu.
Se a se mea tatou te faia mo lo tatou tuafafine
pe a sau se taule‘ale‘a e fia nofo ‘iā te ia?
9‘Āfai o se pā o ia,
‘ona tatou ati a‘e ai lea i ona luga o se ‘olo ario.
‘Ae ‘āfai o se faitoto‘a o ia,
‘ona tatou pupuni ai lea o ia i laupapa arasi.
Tama‘ita‘i.10O a‘u nei o le pā
o o‘u susu fo‘i ‘ua pei oni ‘olo;
a va‘ai mai la‘u manamea i ai,
‘ona filemū ai lea o ia.
Ali‘i.11Na ‘iā Solomona le tōvine i Paala-amoni;
na ia tu‘uina atu le tōvine i leoleo;
e ta‘ito‘atasi o i latou ma ‘aumai tupe e afe i ona fua.
12O lo‘u tōvine, o lo‘u lava ia, ‘ua i o‘u luma,
Solomona e, mā oe le afe;
a ‘ia lua selau ma ē o leoleo i ona fua.
13O oe na lē e nofo i fa‘ato‘aga,
‘ua fa‘alogologo ē ‘ua fa‘atasi ma oe i lou si‘ufofoga,
‘ou te fia fa‘alogo fo‘i i lou leo.
Tama‘ita‘i.14Lo‘u manamea e, ‘inā sola ia oe, ‘ia pei o le sevi,
po o le tama‘i ‘aila i luga o mauga o i ai mea manogi.
Who We AreWhat We EelieveWhat We Do
2025 by iamachristian.org,Inc All rights reserved.